Hargeysa (Hubaal) Qaar kamid ah aqoonyahanka garabka dhalinyarada ee Xisbiga Kulmiye ee gobollada Daadmadheedh iyo Tog-dheer, ayaa madaxda sare ee xisbiga talada haya ee Kulmiye usoo jeediyay talooyin ku dhereran, wax wadaqabsi iyo ka sahqaynta arrimaha xisbiga, si wadajir ah. Xubnahan dhallinyarada ah ayaa saluug ka muujiyay gaar ahaan masuuliyiinta ku jira xukuumadda xisbiga Kulmiye, kuwaasi oo ay ugu baaqeen inay kasoo jeestaan danaha gaarka ah, oo ay usoo jeesta danta guud ee xisbigu wada leeyahay. Dhallinyaradan ka tirsan xisbiga Kulmiye isugu jira aqoonyahanno iyom siyaasiinba ayaa xubnaha wasiirrada iyo xubnaha kale ee ku jira xukuumadda Xisbiga Kulmiye usoo jeediyay inay ka shaqeeyaan, isla markaana u istaagaan dhiirigelinta dhallinyarada, gaar ahaan gobollada ay kasoo jeedaan dhallinyaradani, oo sida ay ku sheegeen baaqoogan u baahan kulamo joogto ah oo ay la yeeshaan.
Qoraal xambaarsan baaqa oo dhallinyaradani soo gaadhsiiyeen Hubaal ayaa u dhignaa sidan;
BAAQ.
“Aqoonyhanka garabka dhallinyarada ee xisbiga KULMIYE ee gobollada Daadmadheedh Tog-dheer, Sanaag waxaanu ugu baaqaynaaa masuuliyiinta golaha wasiirrada, agaasimyaasha guud ee xukuumdda Kulmiye, inay ka qaybqaataan dardargelinta siyaasada xisbiga iyo isku xidhka taageerayaasha goballadaasi taasoo aanu kala shaqayno hogaanka xisbiga maalin iyo habeenba, balse ay wax xidhiidh ah aanaan ka helin wasiirradii gobalka iyo agaasimayaashii toona, taasoo aanu u aragno in ay kaga mashquuleen danoahooda gaarka ka shaqaynta xisbiga iyo dardargelintii hawlha xisbiga.
Sidaa daraadeed waxaanu ugu baaqayna inay gutaan waajibaadkooda shaqo, ta qaran iyo ta xisbibi xaakimkaba maadaba lagaadhay wakhtigii kaanbayka si mar labaad uu u hanto xisbigu kursiga madaxweunha hadaba waxaanu usoo jeedinrynaa masuuliyiinta kor ku xasan, inay dhallinyarada taagerayaasha xisbiga ay kulama iyo xidhiidh joogto ah la yeeshaan.
Xubnaha dhallinyarada ee baaqan diraya:
Siyaasi Khadar Fagaase.
Prof. Khadar Cali Xasan.
Prof. Maxamed Cabdikariin.
Xubin garabka dhallinyarada Kulmiye: Khalid Maxamed Cabdilaahi
Siyaasi siciid Aw Aaden Geerash
Xasan Faarax Dagaal
