Hargeysa(Hubaal)Warar Xog ogaal Ah ayaa Oodweynenews U Xaqiijiyay In AXMED CABDI Xaabsade la taliyihii Madaxweynaha Somaliland uu firxad ku Galay Magaaladda GAROWE.
Xaabsade ayaa ka Kicitimay Jigjiga oo uu mudooyinkii udambeeyayba Ku Sugnaa waxaana uu Xalay ku hoyday magaaladda Garoowe sida Xoguhu tibaaxayaan Xabsade mudadii uu ku sugnaa Jigjiga Xarunta Ismaamulka Dawlad deegaanka Somalida waxa uu xidhiidh la sameeyay Maamulka Puntland si Hadii ay is afgarad ka gaadhaan damaciisa ah In Xil loo magacaabo uu halkaasi tago.
Waa markii labaad ee Axmed Cabdi Xaabsade uu ka tago Somaliland, isagoo sannadkii 1997 ka tagay Somaliland ka dib markii loo dooran waayay jagada Guddoomiyaha Golaha Wakiiladda oo uu hayay sanadihii 1993-kii illaa 1996-kii.
Axmed Cabdi Xaabsade mudadii uu dhawrkii sanadood ee la soo dhaafay uu xilalka ka hayay Somaliland waxa uu eedaymo iyo hanjabaado kala duwan u jeedin jiray maamul goboleedka Puntland oo uu xiligaasi majaraha u hayay madaxweyne C/Raxmaan Faroolle.
Puntland ayaa xiligii C/Raxmaan Farroolle waxay ku naanaysi jireen Axmed Xaabsade nin u kala dab-qaada oo iskaga wareega maamuladda kala duwan, iyagoo uga jeeday hadalkaasi inuu yahay nin aan mowqif siyaasadeed lahayn ee saaxiib la ah kuraasida iyo xilalka dawladnimo ee uu markaas ka tirsan yahay.
Dhowaan Ayay ahayd markii xaabsade uu warbaahinta ka sheegay in uu quus ka taagan yahay Siyaasadda Xukumadda Madaxweyne Siilaanyo
