Hargeysa (Hubaal) Gudoomiye ku xigeenka koowaad ee xisbiga mucaaridka ah ee WADDANI axmed muumin seed oo maanta waraysi gaar ah siiyey shabakada wararka ee hadhwanaagnews ayaa waxaa uu ka hadlay tacadiyada ay xukuumada somaliland ku hayso suxufiyiinta madax banan.
Waxana uu si gaar ah uga hadlay suxufiin malinkii afraad Ku xidhan kuwaas oo kala ah tifatirihii shabakada wararka ee baligubadle media Axmed Aadan Rooble iyo agaasimahii telifishinka universal tv Maxamed Caabi Digaale waxana uu xukuumada uu u soo jeediyey in labaadaas wariye ay xukuumadu sida uga dhakhsa badan ay xoriyadoodii ugu soo celiso isla markaana ay saxafada ka dayso cabudhinta iyo xidhitaanka joogtada ah ee ay ku hayso saxafada madax banaana waxna uu yidhi ” madaxweyne
siilanyo oo ah maanta madaxweynaha dalka markii uu mucaaridka ahaa waxaa uu ku cel celin jiray in la cabudhiyo saxaafada madax banana xukuumadihii ka horayey way jirtay in ay xidh xidhii jireen qaar saxafada ka mud ah lakiin maanta halka ay gadheen Xukuumadani yadoo talada dalka haysay afar sano ayaa waxaa ay xidh xidheena ku dhawaad dhawr iyo lixidan suxufi yadoo sidoo kale ay u dheertay jidh dil lagu sameeyo yadoo ay wacan tahay in saxafadu sidoo kale ay yaduna ilaaliso anashaxa iyo waxii wax u dhimaya qaran nimada“
Isagoo hadalkiisii si wata ayuu waxaa uu yidhi”runtii madaxweynuhu hadii uu cafis uu u fadiyey saxaafada cidii wax ka sheegatay dee amarka madaxweynuhu waa in uu shaqeeyo ayey aheyd qofkii madaxweynaha wax ka sheega in la yidhado madaxweynaha ayuu wax ka sheegee soo xidha xidha may aheen waa in uu dulqaadkii saxaafada la yeesho oo madaxweyanahu dul qaad kaas yeeshaa cidii wax soo xidhaysaana waa in ay xukuumadu wada shaqeen yeelataa inta badan xukumadan waxaa lagu eedenaya in ayana wada socon mar hadii uu madaxweynahu uu cafis fidiyeyna in la soo xidho may aheen “
Sidoo kale waxaa uu gudoomiye ku xigeenku uu ka jawaabay hadlo maalintii shalay aheyd ka soo yeedhay wasiirka wasarada war faafinta waxana uu sheegay in uu wasiir cukuse uu yahay wasiir ka tirsan wasariida madaxweyne axmed siilanyo hadlakii shalay uu ku hadlaayeyna uu ahaa hadal u eekaa qof dabada laga riixayo waxana uu yidhi “ horta cukuse waa nin wasiir ah wana wasiirka war faafinta hadaladiisii uu xalay ku hadlaayeyna si wacan baan xalay u dhegaysanaayey waxana uu u eekaa qof dabada laga riixayey mar kasta waxaa uu ku hadlayey in uu ixtiraamaayo gudoomiyaha golaha wakiilada hadana waa uu iska hadlayey waxana uu marag furayey in uu yahay qofka afraad ee dalka hadana isga oo wasiir ah ayaa waxaa u wax ka sheegey gudoomiyaha golaha wakiilada taasi waxan ku tilmaami karaa nasiib daro waxana aanu waxba ka garanen haykalkii dawladnimada “ ayuu ku soo gabo gabeeyey
