“Malaha Naasir Cali Shire Ayuun baa Walaalkii Lagu Xadantaynayee, Anigu waxan Qabaa Baashe waa Ka mid ummada lala xisaabtamayo” – Xil. Qabile
Hargeysa(Hubaal ):-Xildhibaan Maxamed Faarax Qabile oo ka mid ah mudanayaasha golaha wakiilada somaliland ayaa sheegay in wasiir Sacad Cali Shire iyo Safiir Baashe Cawil ay ka mid yihiin xubnaha lala xidhiidhinayo inay musuq sameeyeen ee lala xisaabtamayo.
Xildhibaan Qabile oo Hadhwanaagnews u warramay oo aanu warkan ka soo xiganay ayaa yidhi “Anigu Baashe waxaan u arkayey nin wakiil ka ah hantidii umada oo lagu ganacsanayo, waxaana ayaan daro ah oo aanan ilaabi doonin markii uu wasiirka arrimaha dibadu yidhi dalkan Somaliland lama aqoonsana oo aniga iyo Baashe ayaa nala aqoonsan yahay oo maal gelinta ayaanu u samaynaynaa shirkad wadani ah, taas oo ah wax murugadeeda leh.”
Xildhibaan Qabile oo hadalkiisa sii wata ayaa sheegay in lala xisaabtami doono labadaas masuul waxaanu yidhi “Baashe Iyo Wasiir Sacad waa ka mid umada lala xisaabtamayo malaa Naasir Cali Shire ayuunbaa walaalkii lagu yara xadantaynayee, umada beentii loo sheegay ayaanay jirin wax ka weyni, boqol iyo labaatan muuqaal oo mid walba uu si u hadlayo ayaa laga hayaa wasiirka arimaha dibada, cida uu ka turjumayaana waa madaxweynaha maanta soo noqday ee dalxiiska inoola jooga.”
Xigasho Hadhwanaagnews
