Balli-gubadle:(Hubaal)Hal qof ayaa ku geeriyooday Toddoba ruux oo kalena way ku dhaawacmeen kadib markii askari ilaalo ka ahaa goob raashin lagu qaybinayey oo ku taallay magaalada Balli-gubadle uu rasaas oodda kaga qaaday dad kusoo qamaamay.
Deeq raaashin ah oo Loo qaybinayay dadkaas ayaa sababay In dadku ay xoog ku Jiidhaan askartii Ilaalinaysay kadibna ay rasaasi ka furantay Ilaaladii goobta, taas oo keentay in tiro dad ahi dhaawacmaan, isla-markaana uu wiil dhallinyaro ah oo dadkaas kamid ahaa halkaas ku qudh baxo.
Wiilka geeriyooday oo da’diisu ahayd 25-Jir, ayaa magaciisa lagu sheegay Cabdixakiin Aw Cabdi Aadan Diiriye, waxaana gacanta Lagu Hayaa Askarigii xabbaddu ay kaga fakatay.
Dadka raashinka ku qamaamay oo qaarkood khasaaruhu soo gaadhay, ayaa ahaa qaar ku caydhoobay abaaraha ba’an ee deegaannadaas ka taagan, waxana ay isku dayeen inay xoog ku qaataan raashin iyaga loogu talo galay oo loo qaybinayey.
