Hargeysa (Hubaal) Agaasimaha guud ee wasaaradda arrimaha gudaha Somaliland iyo 4 qof oo kale ayaa dhaawac ka soo gaadhay gaadhi kula dhacay duleedka galbeed ee magaaalada Berbera.
Agaasimaha ayaa ka mid ahaa wafti uu hoggaaminayey madaxwayne ku xigeenka Somaliland oo magaalada Berbera u tagay xadhig ka jarista xarunta kaydka raashinka Qaranka iyo ka hortaga aafooyinka.
Dhaawacyada masuulka iyo saddex qof ee kale ayaa la geeyay cisbitaalka guud ee magaalada Berbera, halkaasi oo lagu dabiibayo xaaladooda caafimaad.
Waxa mudooyinkii u dambeeyay Somaliland aad ugu soo badanayay shilalka gaadiidka, kuwaas oo sababa dhimasho iyo dhaawac.
