Hargeysa (Hubaal) – Ciidamada Booliska ee Somaliland ayaa la wareegay Xarumaha ay Telefiishannada Horyaal Iyo Eryal ku leeyihiin Magaalada Hargeysa ee Caasimadda Somaliland, sida ay Maamulka labada Telefiishan xaqiijiyey.
Illaa hadda lama oga ujeeddada rasmiga ah ee Xukuumaddu tallaabadan u qaaday, balse sida maamulka labada telefiishen oo maanta la hadlay warbaahinta ay sheegeen, ayaa ay ku sheegeen in warqad CID-du u keentay labadaasi telefiishen taasi oo ay ku qornayd eedaha loo haysto.
Waa markii koowaad ee Xukuumadda cusub ee Madaxweyne Muuse Biixi Hoggaaminayaa la wareegto Xarumaha Telefiishano Madax-bannaan, laakiin waxay sannadkan gudihiisa xayiraad ku soo rogtay Wargeyska Madax-bannaan ee Foore, halka Xukuumaddii horena dhowr Wargeys xayiraad saartay, sida Haatuf iyo kuwo kale.
