HALKAN KA DAAWO: Mid Ka Mid Ah  Bakhaarrada Raashinka Ee Shirkadda AL-XARBI ee Magaaladda BURCO Oo  Goor Dhawayd Dab Qabsaday+ Ololkii Oo La Weriyey Inuu Fiday

 Burco(Hubaal)  Bakhaar shirkadda Xarbi Trading Company leedahay ayuu caawa Dab qabsaday, kaasoo khasaare balaadhan soo gaadhsiiyey bakhaarkaas.

Sidoo kale, Dabka Bakhaarka ka kacay ayaa u gudbay dhawr guri oo ku xigay, kuwaasoo iyana Dabku khasaare balaadhan gaadhsiiyey.

Bakkaarka iyo Guryaha u dhaw ayaa lagu soo waramayaa in uu Dabku ku sii fidayo, maadaama dabayl xagaa xoog ahi ka dhacayso magaaladda, waxaana la tacaalaya maamulka Gobolka iyo Dadweyne farabadan.

Waxa Dabka kacay sii xoojinaya Raashinkii bakhaarka yaalay oo qar qarxaya, waxaanu Ololka ka kacaya qalabka bakhaarkaas yaalay sii xoogaysanayaa marba mark aka danbaysa.

Wali wax khasaare nafeed ah lama soo sheegin, balse raashinkii iyo agabkii bakhaarkaas yaalay ayaa lagu soo waramayaa inay ku shuf beeleen