Dalkeena waxaad mooda in milgihii iyo wanaagii dhaxal galka inoo ahaa ee aaynu ka dhaxalnay aabo yasheen in aaynu siyar oo baraad li’iya bohol aaynu ugu rideeyno, halkii aay ka ahayd ineeynu dhowrano kana shaqayno sidii hidaha iyo dhaqan keena ugu xafidi lahayn sidaasna jiilba jiilka ka dambeeya ugu gudbin lahaa.
Somaliland marka la yidhaa siiba reer Sheekh Isaxaaq aan idhaa run ahaantii waxeeynu kaga duwaneeyn qabiilada kale ayaa ahayd in madax dhaqameed yadaynu lahayn lagu magacaabi jirey Saldanad marka jamac layidhaa halka marka kale Suldaan laga yidhaa. Hadaba waxaa aaynu ku taami jirney qoomiyad ahaan ineeynu kasoo jeedno carab, midaasna waxaa cadeeyn u ah ineeynu kasoo jeedno amaba ka faracanay carab xaqiijineysa ee aaynu kaga duwanahay somalida inteeda kale ayaa ah in inagu leenahay Saldanad halka markaad eegto qabiilada kale aay ka leyihiin, GARAAD, BOQOR, UGAAS iyo waxii la caano maala.
Hadaba marka aad eegto maanta waxaa nasiib daro weeyn ah in aaynu lumino dhaxalkeenii Kali ahaa ee aaynu kaga duwaneeyn
Somalida inteeda kale. Waxaad arkeysaa in baryahan dambe aay bateen caleemo saarku oo xataa wax aaynaan isir iyo raad toona aaynaan u lahayn aaynu isku qaadnay waxaana ka mid ah ineeynu maanta leenahay, BOQOR, UGAAS iyo GARAAD ba.
Arimahaasi iyaga ah ayaa ku tusaaya in qiimo dhac weeyni inagu yimi iyadoo aaney oday dhaqameed keenii aaney arimhaas iyaga ah ka wacyi galin umada. Waxaa kaloo iyana jirta in waayadii hore Suldaanka la dooranayo sife iyo astaamo badan lagu dooran jirey laguna caleemo saari jirey, halka maanta qofkii isagu damcii iskii isu caleemo saarayo.
Wax kale oo dhan marka aad dhaafto waxaa nasiib daro weeyn ah in maanta Boqor hore isagu isu Boqray maanta Boqor lagu gudbo lagu caleemo saaro magaalada Hargeisa su’aashuna waxaay tahay;
Hadmaa qaabkan loo roggey?
Bulsho qudha la saanyaday
Qaydar iyo galool iyo
Qansax miidhan laga dhigay?
ADEN DEEQ
