Akhri Nuxurka Farriin Uu Muj. Cali Gurey U Diray Garabka Jamaal Cali Xuseen
Hargeysa:(Hubaal)-Guddoomiye-ku-xigeenkii saddexaad ee hore ee xisbiga UCID Md. Cali Maxamed Yuusuf(cali-gurey), ayaa shaaca ka qaaday inuu soo afmeeray halgankii dheeraa ee uu ugu jirey inuu kaga lib-keeno dacwaddii garabyada xisbiga UCID ka dhex taagnayd oo isaga laftiisu uu qayb ka ahaa.
Mujaahid Cali-gurey oo war qoraal ah oo ugu duur xulayo murrashax Jamaal oo ay muddooyinkii dambe kala aragti noqdeen bartiisa Facebook-gga soo dhigay, ayaa sheegay inaanu garabkaasi ku xisaabtamin inuu dagaalkii ay Faysal Cali-waraabe kula jireen dib usoo cusboonaado oo uu qayb ka noqdo, isaga oo kooxdaasna ku sheegay qaar waayo aragnimadu ku yar tahay.
Qoraalka Cali-gurey uu soo dhigay Facebook-gga, ayaa sidatan u dhigaan, “Aniga halgan iguma hadhin. Waayo arragnimadana la isuma gudbiyo ilaa uu qofku isagu soo taabto si kale laguma helo. La yaabi maayo cidii halgan hore bilaabaysa lakiin aniga iguma xisaabtanto halganna kii hore ayaan isku qoomameeyaa oo waxan is waydiiyaa horta ma wax adiga kaa maqnaa baa jira?
Kolkaa waan u ducaynayaa cidii sii wadanaysa hadii khilaafkii ucid halgan isu rogo. Aniga cid i bahdashay iyo cid i bahdali karta oo hooyo dhashay oo Carro Edeg joogtaa ma jiro aniguna weligay cid maan bahdalin waayo waxa anigu aan diido qayrkay uma quudhi karo”
