Maamulka Gobolka Awdal Oo Kaashanaya Ciidanka Booliska Ayaa Gubay Jaad Kootara Baan Ah Oo Lasoo Galinayay Gobolkaasi.
Boorama (Hubaal ) Maamulka gobolka Awdal oo kaashanaya ciidanka Booliska ayaa gubay Jaad kootara baan ah oo lasoo galinayay gobolkaasi.
Sida uu ku waramayo wariyaha wakaaladda wararka Somaliland ee Solna ee gobolka Awdal Cabdisalaan Saaha. Jaadkaasi waxa uu dhanaa 18-baag oo jaad ah iyadoo ay soo qabteen ciidanka Booliska ee degmada Dilla waxana lagu gubay goob faraage ah.
Taliyaha qaybta Booliska ee gobolka Awdal Cabdiraxmaan Nuur Colhaye ayaa digniin u diray dadka jaadka kootara baanka ah soo qaada inay ka waantoobaan falalkaasi isla markaana u hogaan samaan amarka Masuuliyiinta dalka.
Guddoomiyaha gobolka Awdal Cabdiraxmaan Axmed Cali ayaa u mahad celiyay ciidanka Booliska ee Jaadkaas qabtay, waxaanu sheegay inay sidooda u fulin doonaan awaamirta kasoo baxday gudida heer qaran ee ka hortagga xanuunka coronavirus.
