Muqdisho(Hubaal).Waxaa saaka Garoonka Diyaaradaha Aadan Cadde ee Magaalada Muqdisho kasoo dagtay Diyaarad qaas ah oo waday Cumar Cabdirashiid Cali Sharmarke, oo la filayo in saacadaha soo aadan loo magacaabo R/Wasaaraha Soomaaliya.
Safiirka Soomaaliya u fadhiya Dalka Mareykanka Cumar Cabdirashiid Cali Sharmarke, ayaa saakay diyaarad gara ah waxa ay kasoo qaaday Magaalada Nairobi ee Dalka Kenya, waxa uuna saacad kahor kasoo dagay Garoonka Diyaaradhaa Aadan Cadde.
Masuuliyiin katirsan Dowlada Soomaaliya ayaa saakay kusoo dhaweeyay Garoonka Diyaaradaha Aadan Cadde Cumar Cabdirashiid Cali Sharmarke, waxaana wararka aan helnay sheegayaan in loo galbiyay xarunta Madaxtooyada Villa Soomaaliya.
Madaxweynaha Soomaaliya Xasan Shekh Maxamuud ayaa ugu dambeyn musharxiin dhoor ah waxa uu kala soo dhax baxay Cumar Cabdirashiid Cali Sharmarke, oo la filayo saacadaha soo aadan Madaxweynaha uu u Magacaabo R/Wasaaraha Soomaaliya.
Gobanimonews
