HUBAAL Channel: DAAWO Fanaannada Caanka Ah Ee Calanka U Sidi Jirtay Hobollada WAABERI Sahra Axmed Jaamac Oo Xalay Wacdaro Ka Dhigtay Cawayskii Ciidda
Waxaa uu Telefishanka Horn Cable Baahiyey Barnaamij Aad u xiiso badan oo aanu dhiggiisu beryahan soo marin masraxa fanka. Waxa ay ahayd madal kulmisay foollaadkii masraxa hobolladii la hollin-waayay ee WAABERI oo ay caways Toos ah [Live Show] Hargeysa ka shideen munaasibada Ciidul-fidriga. Xiddiguhu iskuma jiraane waxa ay ahayd Fanaannadii waqtiyada qaar calanka u siday fanka Sahra Axmed Jaamac oo aan beryahaa masraxa lagu arag balse xalay boodhka ka tuntay qaar kamid ah heesihii qaraamka ahaa ee lagu yaqaanay. Bal muuqaalkan ila wadaag Waa Maamo Sahra Axmed Jaamac Oo Walow ay Waayeeshay haddana aanay siiqaddii codkeedu waxba iska dhimin, waxay ku luuqaynaysaa heestii [….Oo Soo noq-noqoshada hayga moodin nacasnimo].