HUBAAL Channel: DAAWO Full Barnaamij Ku Saabsan Safarkii Uu Agaasimaha Guud ee Wasaaradda Kalluumaysiga iyo kheyraadka badda Somaliland Dr. Fuaad Cabdisalaan Xasan dhawaan ku tagay deegaannada xeebta ee gobolka Sanaag, halkaas oo uu gargaar qayb ka ah gurmadka ay xukuumaddu ugu talo gashay dadka abaaruhu ku habsadeen ee ku dhaqan gobollada Bariga uu ugu qaybiyey bulshada ku dhaqan magaallada Laas Qorey ee gobolka Badhan.
Safarkan oo muddo shan iyo toban cisho ah qaatay waxaa uu agaasimuhu ku sii maray gobollada Saaxil, Togdheer, Sanaag iyo Badhan, gaar ahaanna waxaa uu kormeerro kala duwan ku soo maray deegaannada gubanka ah ee xeebaha bariga Somaliland, halkaasi oo intii uu kormeerkiisa ku gudo jiray uu booqday sidoo kale saldhigyada saddexaad iyo afraad ee ciidammada ilaallada xeeebaha Somaliland ee fadhigoodu yahay deegaannada LaasQorey, Maydh iyo aagaga ku xeeran, saldhigyadaas ayaa agaasimuhu intii booqanayay waxaa uu salaan sharafyo ka qaatay cutubyo ka tirsan ciidammada xeebaha Somaliland.
Haddaba Barnaamijkan oo qayb ka ah kormeerka Agaasime Fuaad Cabdisalaan iyo qaynbinta gargaarka raashinka ah ee uu gaadhsiiyey laasqorey oo cadad ahaan ku filan sagaal boqol oo qoys, ayaanu halkan idinku soo gudbinaynaa ee daawasho wacan
