Sallexley (Hubaal)- Waxaa Maalintii Khamiistii 07 May 2015 adeeg caafimaad looo sameeyay Dad Tiradoodu Gaadhaysay 700 Ruux oo bukaan Soocd ah. Dadkan ayaa adeeggan loogu fuliyay Cusibtaalka Salaxley waxaana adeeggan Hirgalinayay Cusbitaalka International Hospital Hargaysa.
Adeeggan oo ahaa mid ay si wayn ugu diirsadeen Dadka ku dhaqan Deegaanka Salaxley iyo Tuulooyinka ku Hareeraysanba ayaa waxaa goob ka ahaa Saraakiil ka socotay Dhakhtarka , Madax Dhaqameed , Maamulka Degmada Salaxley .
Waxaana adeeggan si habsami ah u fidiniyay Dhakhaatiir Masaari ah oo si degen u xaal wareesanayay Dadka bukaan Socodka ah ka dibna la tacaalayay hadba xanuunka qofkaasi hayya .
Dadkan bukaan socoka ah ayaa si bilaash ah loo daweenayay iyadoo sidoo kalena la siinayay Dawooyin bilaash ah .
Waxaana ay ahayd Tirada dadka maanta adeegga caafimaad loo sameeyay 700 oo qof kuwaas oo isugu jiray kuwo dawooyin la siiyay iyo kuwo loo soo Gudbiyay cusbitaalka International Ee Hargaysa .
Mid ka mid ah Maamulayaasha International Hospital Fu’aad Cabdi Salaam ayaa faahfaahinayaa Hawlgallada Caafimaad ee Cusbitaalka Internationa Siiyo bulshad Qeybaheeda kala Duwan Waxaanu yidhi “ Runtii Farxad wayn ayay noo tahay Maanta in aanu nimaadno Salaxley oo aanu in muddo ahba ka shaqeenaynay in aanu bixino adeeggan caafimaad , Dhakhtarka International Hospital Hargaysa Waxaa uu sameeyaa labadii biloodba hawl gal caafimad oo loogu talo galay in uu siiyo Dadka Deegamada Miyiga ee aan sida fiican u helin adeegga caafimaad , Doorkii kowaad waxaanu Tagnay Deegaanka Dacar Buruq oo aanu ka fulinnay Adeeg Caafimaad oo aanu siinay in ka badan 800 Qof oo wixii u baahday Qalniinna aanu si bilaash ah ugu qalnay Cusbitaalka “
Sidoo Kale Maamulaha ayaa ka warbixiyay Hawlgalka caafimaad ee ay Maanta ka fuliyeen Cusbitaalka Salalxley Waxaanu yidhi “ Maanta waxaanu nimi Salaxley oo aanu ka fulinayno adeeg Caafimaad waxaa nala socda 10 Doctor oo ay ka mid yihiin Dhakhtarka Caruurta , Dhakhtarka Haweenka , Dhakhtarka Cudurada Guud , Dhakhtarka Maqaarka ,Dhakhtarka Lafaha , Dhamaaantoodna waxay bixinayaan adeegyo caafimaad oo bilaash ah waxaanu dadka siin doona Dawooyin bilaash ah sidoo kale wixii xaaladdoodu adagtahay ee u baahan Qalniin ama u baahan daawooyin kale waxaanu u gudbin doonaa oo aanu ku daween doonaa Cusbitaalka Internatinal Ee Hargaysa , Muddo todobaad ahba hawsha waanu ku jirnay Dadka waanu sii diinwaangalinay , dadka qaarba Deegaanno fog fog ka yimid inkastoo Xagg roobka ay caqabado ka yimaaddeen haddana dadku si fiican ayay u yimaadeen waxaana immika jooga dad ka badan 600 qof oo ay dhakhaatiirtu u sameenaya adeegyo caafimaad ”
Geesta kale waxaa hay’adda Gargaarka Africa ayaa Ka fulisay isla Salaxley Qeybinta Deeq Raashin ah oo ay hay’addu u qeybisay 200 oo qoys .
Waxaana halkaasi ka halday Gudoomiyaha Hay’addaasi Maxamed Murdi waxaanu sheegay in ay deeqdani tahay Waajib ay lahaayeen oo ay guteen isla markaana ay sii wadayaan garab istaagga iyo caawinta walaalahooda muslimiinta ah .
Waxaa Halkaasi Hadalo Mahad naq ah ka jeediyay La taliyaha Madaxweynaha Ee Arrimaha Bulshada Maxamed Iid Dhinbiil Iyo Maayirka Degmada Salaxley Shiine Tahar waxaanay hay’adda uga mahad naqaeen Deeqdaasi ay gadhsiisay Dadka Danyarta ah iyo waliba adeega caafimaad Ee uu cusbitaalka International ka fuliyay Deegaanka Salaxley .
Waxaa xusid mudan in Ururka Gaaroodi Uu shahaado Sharaf ku maamusay Dhakhaatiirtii Maanta adeegga caafimaad ka fulisay Salaxley .
Si kastaba aha haatee Degmada Salaxley waxaa Maanta laga fuliyay Laba Adeeg oo kala aha Adeeg Caafimaad oo shacabka Deegaankaasi ku diirsadeen iyo waliba Deeq Raashin ah oo la gaadhsiiyay 200 Qoys waxaa intaasi u dheeraa Deegaanka salaxley in alle U shubay Raxmaadkiisi oo ay halkaasi si mug leh ay uga curteen Roobabkii Gugu aadna loogu diirsaday
