Hargaysa (Hubaal) Xubno isugu jira Wasiiro, Xildhibaano iyo Saxaafadda ayaa booqday Fanaanka weyn ee Maxamed Axmed Kuluc, oo hadda ku xanuun sanaaya Magaalada Hargaysa. Masuuliyiinta booqashada ugu tagay Fanaanka weyn ee Kuluc waxa kamid aha, Wasiirka Xanaanada Xoolaha Dr. Cabdi Aw-Daahir, Wasiir ku-xigeenka Ganacsiga, Bashiir Cabdi Xariir, Wasiirkii hore ee Kaluumaysigi Cabdillaahi Cismaan Geeljire, Xildhibaan Axmed Maxamed Diiriye (Nac-nac) iyo Guddoomiyaha warbaahinta Somalilandtoday Media Group, Muniir Axmed Cigaal. Xubnaha booqday Fanaanka ayaa la kulmay wakhtigaas isago ladan in kasta oo uu xanuun sanaayay, waxayna illahay uga baryeen inuu caafimaad sareecan ah siiyo, geestiisa Fanaan Kuluc ayaa dareen farxadeed ka muujiyay booqashada masuuliyiintaas.
Fanaanka Maxamed Axmed Kuluc, oo kamid ah tiirarka dhidibada u taagay Fanka Soomaalida, wuxuu muddo 50-sanno gaadhaysa ku dhexjiray badweynta Suugaanta, taas oo u saamaxday tariikhda lama ilawaanka ah ee uu ku suntanyahay.
Source: Somalilandtoday
