Hargeysa (Hubaal): qaar ka mid ah dadweynaha ku dhaqan xaafada Indian Line-ka ee magaalada hargeysa ayaa cabasho ka muujiyey Dhisme Fooq ah oo binihiisu ka socdo xaafaddaasi kaasi oo ay sheegeen in uu jaray waddooyinka xaafadaasi dhex mara qaarkood.
Fooqan oo ku yaalla wajahadda dambe ee garoonka kubbada koleyga ee Timacadde isla markaana dhismihiisu socday muddo bilo ah ayaa dadkani sheegeen In uu iska leeyahay mid ka mid ah ganacsadayaasha waaweyn ee Somaliland ee saraha dhaadheer ka dhistay xaafadaasi. Waxaanay cabasho ka muujiyeen in uu caqabad ku keenay isku socodkii labo wado oo ay mari jireen dadka iyo gaadiidka dhex mara xaafadda Indian Line-ka, kuwaas oo ays heegeen in dhismuhu ku fiday. Jidadkan oo kala mara dhanka galbeed wado dad iyo gaadiidba ah iyo dhinaca waqooyi, Qaar ka mid ah dadwaynaha isticmaala jidkaasi cabasho ka muujiyeen. Waxaanay yidhaahdeen “ Ma garanayo caqliga keenay in wado dhan oo ka dhaxaysa dadka xaafadahaasi iyo gaadiidka degan ama isticmaala sababta wax looga qaban waayay, imika waa kaasoo dhismuhu Waddo ayuu xidhay ee yaa odhanaya waxaad samaysay waa qalad oo sharci darro ayaad samaysay”sidaa waxaa yidhi mid ka mid ah dadka gaadiidka watay ee jidkaa ganacsaduhu xidhay ku xanibnaa xalay.
Hadaba waxay su,aashu tahay waa maxay sababta ay arrintani dawladda hoose tallaabo uga qaadi wayday markay ganacsatada waaweynu ku xad gudbaan waddooyinka ee ay jid halbawle ah u xidhaan dhisme ay fooqyo ka taagayaan halka Dawladda hoose ay maalin kasta jidadka laabta kaga daadiso ganacsatada yoomiye eryadka ah ee waddooyinka hareeraheeda ku ganacsada
Dhinaca kale dadka jaarka la ah dhismahan ayaa warbaahinta u sheegay in ganacsadaha fooqan dhisanaya ay weydiiyeen sababta uu dhismihiisu u soo fiday Waxaanay sheegeen in uu sharciyad u haysto dhulkaas oo uu tilmaamay in dawladda hoose iyo wasaaradda hawlaha guud ee Somaliland ay labadooduba u sharciyeeyeen.
