Haweenay u dhalatay dalka Maraykanka oo lagu magcaabi jiray Kayla Mueller oo gacanta ugu jirtay ururka Daacish ayaa xilligan la xaqiijiyey inay dhimatay, Masuuliyiinta Maraykanka iyo Qoyska gabadhan ayaa xaqiijiyey dhimashada muwaadinadan u dhalatay dalka Maraykanka.
Ururka Daacish ayaa afar maalmood ka hor sheegay in haweenaydan oo u shaqaynaysay hay’adaha gargaarku lagu dilay weerarada xagga cirka ee ka dhanka ah ururkaasi.
Afhayeen u hadlay Golaha Amniga Qaranka ee Maraykanka Bernadette Meehan ayaa sheegay in qoyska Mueller ay heleen fariin gaar ah oo uga timi kooxda gacanta ku haysay gabadhooda maalmihii inna soo dhaafay taas oo xambaarsanayd macluumaad dheeri ah oo ku aaddan dilka inantooda.
Afhayeen u hadlay aqalka cad ee dalkan Maraykanka looga arimiyo ayaa u sheegay weriyayaasha in hay’adaha wardoonka ee Maraykanku aanay illaa hadda haynin macluumaad ku saabsan dhimashada haweenaydan keentay ka dib markii heleen macluumaad arrintan la xidhiidha
source:voasomali
