Ujeeddada maansadu waa qiso dhab ah oo ka hadlaysa tacadiga lagu hayo dameerraha iyo daryeel la’aanta haysta in la rarto mooyane in la xanaaneeyo aanay jirin.
Waa goor cadceed duhur
Laga galay hadhsiimoo
Inta gawska maashiyo
Fadhiyaan gadh weyntii
Goobtu waa halkeedii
Gaadiidka dhankee
Garbahooga duudkiyo
Ku guraya biyahaa
Soo gaadhay goobtiyo
Gole oonku gaabiyay
Markii haan gadaan weyn
Gees waliba buuxsamay
Sow garasho lawahan
Garka adag ku jiidaa
Wuu gabay dameerkoo
Oon buu la golgolay
Gontahiisa biyo yaal
Ayuu gees ka eegoo
Ilayn waa gartiisee
Gaban waa dameerkii
Oon baaba gawracay
Iyo gaajo iyo daal
Keenadaa gafuurkaa
Kala goys dacaydoo
Libintiisa guushiyo
Dhibtu waa u garoo
Abaal loo gudan jirin
Ninkan gaadhi moodee
Garaad kiisu siiyee
Ganacsaday dameerkaa
Giirkiisa dheefsaday
Gorgor mood dameerkii
Gamcuhuu ka cunay bari
Iyo midigta gaadhee
Gaadhsiisay nabarada
Gafku inuu dhib beeroo
Godob tiisu badan tahay
wada gaadhay noolaha
Gubashay dameerkii
Gafku boog ku beeroo
Guntadee ogsoonow
Markuu xooga goostaa
Gaadiidka reerkiyo
Gurmad laga dhigtaayoo
Usha lagu garacaa
Gamadanada dhaxantana
xaro lagama galiyoo
Wuu gaaf wareegaa
garyaqaan u doodiyo
Gurti male dameeruhu
Gardarada ka celisoo
xaqan gaabinaayee
Soo jiray guyaal badan
Gaf dameero laga galay
Ayaa gayiga buuxoo
Ganey iyo abwaanadu
Horay gabay ka tiriyeen
Murti garadku muu gabin
Hayeeshee gumaadkiyo
Garbo goynta kama dayn
dhibta aan garaw shiyo
Loo hayn waa guun
Gayigeena qaysoow
Gacan qabashadii iyo
Gargaarkii wanaagnimo
Waa layska gadayaa
Lacag baaba goysoo
Gobonimadu waa iib
Danta guud cid garatiyo
Galadiiba laga guur
Gaabaabsi weeyaan
Ana gocoshadaydiyo
Guuxaygan baxayaa
Dhib igaadhay weeyoo
Murti gaaxin jiray iyo
Gunta erayo yaalaa
igu yidhi ha gees marin
Gaf dameero laga galay
Galaw qayladiisiyo
Guuguulahaa ciyay
Ee geedka saarani
good bay ka dhuuntee
Gaadaa ku laayoo
Godob bay ka duuleen
Geeluna colaadiyo
gayi gees lagu dilay
Kumaba gaajo beelee
Afka wuu ka gaabshaa
Inuu baad ka goostana,
Geedi buu ka doortaa
goormay dameeruhu
gadoodaan hadraawow
adigaa garasha dheeroo
Wada gaadhay dunidee
Geed xidha dameeriyo
Ma la kulantay galab qudha
Gar dameerku leeyahay
Oo guusha lagu daray
Gocon dhadaa u badoo
jiritaayba goostaan
Goosan weeye laga jiro
Dhulka meesha geed qoyan
Dabar gooya mooyee
Xor inayba gaadhan
Gabalkuba ma dhaco abid
Yaheeshee galgalashadu
Gogol waxaay la jiiftaa
Nin gumaaday oo raray
Godka eeda kuu taal
Lagu galay aduunyada
Gar allee dadkii galay
Xagay garab ka helayaan
Gomadaha la jaray iyo
Dabar gooyay baa jira
Gees waliba iiniyo
nabarada ku gaamuray
Jidhkiisay gubayaan
Dhibtaa gaar u noqotoo
Cid garowda loo waa
Maxaay galeen dameeruhu
Dhaqashada gamaankee
Galadoodu badan tahay
yaa gaar ka dhigay kali
oo godobta loo raro
gaadh siisay dunidoo
Gaf dameero laga galay
Gayigeena yaa dhigay
Dhaqashada ka gaar weeye
Sida geel loo jiro
sida loda loo jiro
Gaagaabanow adhi
Ee dacowga laga jiro
Dameeruhu gu iyo dayr
Jiilalka gaajadu noolaha
Gubaysaa gurmad looma
Fidiyoo geed baa xadhkaha
Adag gunta lagu xidhayaa
Marka reerku guurana
Gadiidka xoogaa
Waxaa gala dameeraha
Guudkooga iyagaa
Guri goodhan qadoo
Inta socodka gabaysiyo
Gadhweyntaan dhaqaqayn
Waxaa gura dameeraha
Abaal loo galaan jirin
Gaws weyna doqoniyo
geelaba ha didiyee
Wuu gaar wareegaa
Godob buu tirsanayaa
Laga galay abkiiyoo
Wuxuu goconayaa badan
Gamcaha wax kuu tara
ee gaajo kaa tira
Hadii aad ka go an tahay
Gumadkaa dhaqaaqiyo
Wax ku gaadh isleedahay
Garna waad u leedahay
Guulaa wax bixiyaa
Hadaad garasho leedahay
Wax uun baadba gaadhaa
Ana maanta golahaan
Gaadhsii is leeyahay
Gaf dameero galaay
Oo gaar ahaan tay
Maankayga ii galay
