Hargeysa (Hubaal)-Guddoomiyaha Xisbiga Waddani Cabdiraxamaan Maxame Cabdilaahi (Cirro), ayaa xilal cusub u magacaabay xubno xisbigiisa kamid ah, halka uu qaar kalena Beddel ku sameeyey.
Masuuliyiinta uu Guddoomiye Cirro Wareegtada ku magacaabay, ayaa u badan Siyaasiyiin miisaan leh oo dhawaan Xisbigiisa kusoo biirtay, kuwaas oo la filayey in xilal sare loo igman doono.
Wareegtada Xilalka cusub lagu magacaabay oo Nuqul kamid ahi soo gaadhay Xafiiska wararka ee Himilo, ayaa u dhignayd sidatan:
Md. Cali Cilmi Geelle waxa loo magacaabay inuu noqdo xubin ka mid ah hoggaanka xisbiga
Md. Cali Axmed Cabdi (Cali cantar) waxaa loo magacaabay inuu noqdo xubin ka mid ah hoggaanka xisbiga
Md. Maxamed Xasan Dirir, xoghayihi hore ee warfaafinta waxa loo beddeley inuu noqdo Xoghayaha gaarka ah ee gudoomiyaha xisbiga waddani.
4.Muj. Boobe Yuusuf Ducaale waxaa loo magacaabay inuu noqdo xoghayaha cusub ee warfaafinta.
Dr. Xuseen Maxamuud Maxamed (Xuseen xoog) waxaa loo magacaabay xoghayaha caafimaadka xisbiga waddani
Md. Axmed Cabdilaahi Barre waxaa loo magacaabay inuu noqdo xoghayaha khayraadka dabiiciga ah.
Marwo Faadumo Sicid Ibraahim waxaa loo magacaabay inay noqoto la taliyaha arrimaha dibadda ee gudoomiyaha xisbiga waddani.
Md. Daa’uud Xuseen Jaamac (foodcadde) waxa loo magacaabay inuu noqdo ku xigeenka xoghayaha arrimaha gudaha xisbiga waddani.
9 Md. Cabdirashiid Maxamed Adam (Jeeni) waxaa loo magacaabay inuu noqdo ku xigeenka xoghayaha warfaafinta xisbiga waddani.
