Hargeysa (Hubaal) xisbiga mucaaridka ah ee Waddani ayaa soo bedelay xubintii ay hore ugu soo bagacaabeen inay uga mid ahaato xubnaha guddida doorashooyinka kadib markii uu madaxweyne Siilaanyo dib ugu soo celiyay.
xubintan uu xisbigu dib u soo magacaabay ayaa maanta madaxweynuhu aqbalay una gudbiyay aqalka wakiilada warsaxaafadeed laga soo saaray aqalka madaxtooyada islamarkaana uu ku sexeexan yahay afhayeenka madaxtooyada ayaa u qornaa sidan:
Madaxweynaha Jamhuuriyada Somaliland, Mudane. Axmed Maxamed Silaanyo waxa digreeto madaxweyne oo sumadeedu tahay JSL/M/SHGW/081-2818/102014,Shir-guddoonka Golaha Wakiillada Jamhuuriyada Somaliland ugu gudbiyey Xubintii todobaad ee Xisbiga Waddani soo bedelay.
Ku: Shir-guddoonka Golaha Wakiillada JSL
Ujeedo: Soo Gudbin Xubintii Ka Dhinnayd Guddida Cusub ee Doorashooyinka Qaranka
Mudanayaal, Waxaan si sharaf iyo qadarin mudan halkan magaciisa iyo CV-giisa idiinku soo gudbinayaa Mudane, Cabdiraxmaan Cismaan Aadan (Sagal) oo ah Xubinta Xisbiga WADDANI u soo xulay Guddida Doorashooyinka Qaranka si aad uga gudataan waajibaadkiinna Dastuuriga ah.
ALLAA MAHAD LEH
Naasir Yuusuf Daahir (Nasir Naska)
Xoghayaha Gaarka ah ee Xafiiska Saxaafada Madaxtooyada JSL.
