Hargeysa (Hubaal) Waxa Abaaro 1:46 PM duhurnimo ee jimcaha maanta Xaafada Axmed Gurey ee Magaalada Hargeysa ka dhacay Shil Baabuur oo sababay dhimashada hal qof oo Dumar ah. Baabuurka shilkan sababay ayaa ahaa Booyad, waxaana iyada oo xawli u socota ay gashay guri ka mida guryaha xaafadaas, iyadoo halkaasina ay ku geeriyootay Alle Haw Naxariistee hooyo degenayd Guriga. Gaadiidka Ambulance ka Ciidanka Dab-demiska Qaranka Somaliland ayaa markii lagu soo wargeliyay shilkaas ka hawlaglay una fidiyay gurmad iyadoo ciidanka dab-demisku maydkii gaadhsiiyay cisbitaalka weyn ee Magaalada Hargeysa.
Muddoyinkan u dambeeyay waxaa magaalada Hargeysa ku soo badanayay shilalka ay sababaan gaadiidku, iyadoo badanaa shil kasta oo khasaare keena ciidanka dab-demisku ka hawlgalo.
Warbaahinta Ciidanka Dab-demiska JSL
Hargeysa/Somaliland
990- Lambarka Gurmadka Degdeg ah
Facebook/twitter/Instgram/Youtube
