Hargeysa (Hubaal)-Dab ka kacay meherad banjarle gaadiidka uga shaqeeya Taayirada oo kutaalay Xaafada Geerash Aw Aadan ee Degmada G/Libaax magaalada Hargeysa ayaa sababtay khaasare sahlan oo ku koobmay meheradii Banjarka ee uu ka bilaamay.
Inkasta oo uu dabku halis weyn galiyey guryihii la jaarka ahaa meheradan oo ku dhextaalay Xaafado badan dhexdood
Agaasimaha Fulinta oo ka warbixinaayey Gurmad degdeg ah oo Ciidanka Dab-damiska Caasimadu markiiba ku gaadheen kuna badbaadiyeen guryihii la degana ee meheradan la jaarka ahaa,Agaasimaha oo goob-joog ka ahaa gurmadkii degdega ahaa ee ay Ciidanka Dab-damiska Caasimadu ku bakhtiiyeen Dabkan waxa uu warbixin kooban soo dhigay Bartiisa gaarka ah ee Facebook-ga waxaanay u dhignayd sidan:-
Ganacsiga aan loo meel dayin waxa uu halis Ku yahey nolosha iyo hantida bulshada ee Ku hareereysan waxey aheyd maanta abaaro 11:00 duhurnimo kadib markii uu dab qabsadey sandaqad meel aan Ku habooneyn laga dhisey oo uu Ku shaqeysanayay banjarle taayirada gaadiidka ka shaqeeya taasi oo dabkii ka kacay jiingadaasi uu halis galiyay nolosha iyo hantida bulshada Ku hareereysan kadib markii taayiradii duuga ahaa ee uu soo ururiyay si loogu garto in goobtu ay banjarle tahey ay masiibo Ku noqotey dabkii taayirada ka dhashay oo gabi ahaanba baabiyay xoogsigii iyo xoolihii u yaaley goobta isla markaana ay ciidanka dabdemiska ka hot istaageen fiditaanka dabka oo Ku siqayay dhismayaashii bulshada ee ka agdhawaaa.
Waxa jirta in ganacsiga aan munaasibka aheyn ee bulshada dhexdeedu uu dhibaato weyn uu Ku hayo bulshada Ku hareereysan sida kan maanta oo kale oo waxyeeleyn gaadhey dhismihii cashuuraha bariga ee dagmada G,libaax Xaafada Geerash aw aadan ee magaalada Hargeysa.
C/qaadir Cumar Xaashi
Agaasimaha Fulinta Ciidanka Dab-damiska Qaranka
Hargeysa/Somaliland
