(Hubaal) – Isku aadka wareega 16 ee koobka Champions League ayaa la sameeyay, iyadoo si la mid ah wareegii xilli ciyaareedkii hore ee 16-ka ay kooxuhu isku soo beegmeen, marka laga reebo Arsenal iyo Bayern Munich oo kala weecday.
Kooxda Real Madrid oo heysata Koobkan ayaa si la mid ah wareegii 16-ka ee xilli ciyaareedkii 2013/2014 waxay isku soo beegmeen kooxda reer Jarmal ee Schalke 04, iyadoo Real ay labada jeerba ka badisay.
Chelsea ayaa iyana waxay ku aaday mar kale kooxda Faransiiska ka dhisan ee PSG, waxayna is aragii labaad ee wareegii 16-ka ee xilli ciyaaredkii hore ay ku soo baxday farqiga goolasha markii 2-0 ay garoonkeeda Stamford Bridge ku badisay, halka guriga Paris 3-1 loogu soo badiyay, waxaana goolkaas ahaa mid saaciday inay wareega 8-da u soo gudubto xilli ciyaareedkii hore.
Kooxda Barcelona ayaa mar kale waxay iska hor imaan doonaan kooxda Ingiriiska ka dhisan ee Manchester City, iyadoo wareegii hore ee 16-ka ay kooxda Barcelona labada jeerba ka soo badisay.
Bayern Munich ayaa sanadkan waxay kala weecdeen kooxda Arsenal oo labadii xilli ciyaareed ee u dambeeyay isku arkayay wareega 16-ka, waxaana markii u horeysay ay la ciyaari doonaan kooxda reer Ukraine ee Shakhtar Donestk.
Kooxda Juventus ayaa marti gelin doonta kooxda Borussia Dortmund, waxayna dib isu xusuusan doonaan sanadkii 1997 oo Finalkii Koobka Champions League ay ku guuleysatay kooxda Dortmund.
Sidoo kale Arsenal ayaa waxay isku soo beegmeen kooxda Faransiiska ka dhisan ee As Monaco, waxaana Tababaraha Arsenal Arsene Wenger uu horay macalin ugu soo ahaa kooxdan sanadkii 1988-1993-dii.
Hadaba isku aadka wareega 16-ka ayaa sidan ahaa:-
Paris Saint-Germain (FRA) v Chelsea FC (ENG)
Manchester City FC (ENG) v FC Barcelona (ESP)
Bayer 04 Leverkusen (GER) v Club Atlético de Madrid (ESP)
Juventus (ITA) v Borussia Dortmund (GER)
FC Schalke 04 (GER) v Real Madrid CF (ESP)
FC Shakhtar Donetsk (UKR) v FC Bayern München (GER)
Arsenal FC (ENG) v AS Monaco FC (FRA)
FC Basel 1893 (SUI) v FC Porto (POR)
Kulamada is araga hore ayaa la ciyaari doonaan 17/18 iyo 24/25 Febraayo, sidoo kale is araga labaad ayaa la ciyaari doonaa 10/11 iyo 17/18 Maaso.
Xigasho: Somalilandtoday
