Abwaan Cali Mooge Geedi Alla ha u naxariistee waxa dhaxalkiisa suugaaneed ee uu inooga tegey ka mid ahaa maansadan uu ugu wan qalay Haddaan Nabadey ku guursan.
Runtii Waa Maanso uu Abwaan Cali Mooge Si farshaxamaysan Ugu dhaadanayo wanaaga iyo qaayaha ay nabaddu u leedahay bulshada, isaga oo kuba faanay oo yidhi Waan guursaday.
Haddaan Tuducyo kamid ah Maansadan idiinka soo garooco, waxa uu yidhi:
“Haddaan Nabadey ku guursan,
Intaan bisin kugu nikaaxo,
Intaan duco kugu nageeyo,
Haddaan nasab kuu ciyaarin,
Anaan noloshaba aqoonin”.
Waxaan rejaynayaa i Maansadan oo dhamaystiran laga heli doono Diiwaanka QALIN Ma Koobaan Ee Cabdalle Xaaji Cusmaan iyo Maxamed Xirsi [Cabdi Bashiir ]ku Ururiyeen Murtidii Abwaanka, kaasi oo dhawaan la filayo inuu ifka ku soo baxo. Halkan Hoose ka daawo Maansada oo daawasho ah oo uu Abwaan Cali Mooge inoo tirinayo.
