Feysal Cali Waraabe
Hargeysa (Hubaal) – Guddoomiyaha Xisbiga UCID Eng Faysal Cali Waraabe ayaa ka hadlay sida uu u arko go’aanka ay soo saareen Guddida Diwaangalinta Ururrada siyaasada Somaliland shalay ee ku saabsanaa khilaafkii isaga iyo musharraxiisa u dhexeeyey. Guddoomiye Faysal Cali Waraabe oo shalay Warbaahinta kula hadlay magaalada Hargeysa waxaa uu soo dhaweeyay go’aanka Guddida Diwaangalinta Ururada Siyaasada waxaanu uu sheegay inaanay jirin sharci u diiday in uu isa soo sharaxo mar saddexaad Kursiga Madaxtinimada. “Go’aanka Guddida diwaangalintu waxaa uu cadeeyay in aanu Jamaal Cali Xuseen ahayn musharaxa Xisbiga UCID, Cali-Gureyna Aan lagu dooran Shirkii Golaha Dhexe ee xisiga.” ayuu yidhi Faysal Cali Waraabe waxaanu intaasi ku daray “ Aayad Qur’aan oo ii diidaysa inaan isa soo sharaxo ma jirto”
