Warbixin Uu Guddoomiyaha Baanka Dhexe soo saaray oo Afar Qoddob Ku Sababeysey Kor u Kac ku Yimid shilinka Somaliland & Hooos U Dhac Ku Yimi Sarrifka Lacagaha Qalaad
Hargeysa (Hubaal)- Baanka Dhexe ee Somaliland ayaa ka warbixiyey kor u kac ku yimid qiimaha Shillin-ka Somaliland, iyaga oo is bar-bar dhig ku sameeyey waddamada Sicir bararku uu ka jiro iyo sababaha keenay hoos u dhaca iyo kor u kaca lacagaha. Warsaxaafadeed uu soo saaray Guddoomiyaha Baanka dhexe ee Somaliland Cali Ibraahim Jaamac ( Baqdaadi) oo wargeyska HUBAAL soo gaadhay ayaa lagu sheegay in shilinka somaliland uu [9.3%] kor u kacay qiimihiisu halka hoos u dhac ku yimi sicir-bararka [15%]. Guddoomyaha banku waxaa uu warsaxaafadeedkiisa ku sheegay in raxmaadkii dalka ka hooray iyo dhoofkii xoollaha ee la furay ay qayb weyn ka qaateen kor u kaca shilinka “Waxaan warbixin kooban la wadaagayaa bulshada Somaliland, warbixintaas oo ku saabsan xaallada dhaqaalle ee haatan ka jirta dalka oola odhan karo waa mid fayow oo caafimaad qabta, waxaa dalka maasheeyey raxmaadkii alle, dagalii beeraha si fiican ayaa loo qoday, dhoofintii xoolahana waa la furay, xadigii lacagta ee suuqa lagu sii dayn jirayna si hufan ayaa loo maareeyey, taasoo keentayin qiimaha shilinku kor u kaco, sicir bararkuna hoos u dhaco”. Ayaa guddoomiyuhu yidhi, waxaana warsaxaafadeedkisa oo laba bog ka koobnaa u dhignaa sidan:
