Qulujeed(Hubaal) War imika xafiiska Boramanews soo gaadhaya ayaa sheegaya in dagaal ku dhexmaray Jabhada Kacdoonka Awdal Iyo Ciidamada Somaliland ee Ku Sigan Magaalada Quljeed.Warka ayaa sheegaya in Jabhada Kacdoonka Awdal ee Suldan Wabar hogaamiyo oo gaadhi wadata ay soo galeen Magaalada Quljeed isla markaana wax ka iibsadeen suuqa Quljeed ay ka warheleen ciidamada Somaliland ,halkaasna isku dhac rasaas loo adeegsaday ka bilaabantay.Labada dhinac ayaa dagaalku markii uu bilaabmay banaanka magaalada iskula baxay waxayna rasaastu socotay ilaa 30 Daqiiqo.
Xidhiidh aanu la samaynay isla markiiba dadka deegaanka ayaa waxa naloo xaqiijiyay in wax dhimasho ahi meeshaasi ka dhicin balse hal Askari lagaga dhaawacay ciidamada Somaliland, lama oga dhaawacaasi in uu yahay mid halisa iyo inkale.Dagaalkii labada dhinacna wuxu kusoo afjarmay iyadoo labadiiba goobahoogii ku sugan yihiin.
