“Laga bilaabo Maanta Waxa La Xidhay Dhammaan Xadka Dhulka Ah Ee Somaliland la leedahay dalalka ITOOBIYA, DJIBUTI iyo SOOMAALIYA, waxa kaliya oo ka soo gudbi kara waa…”

Somaliland Oo Xidhatay Gabi Ahaanba Xuduudaheeda Dhulka Ee Ay La Leedahay Dalalka Itoobiya, Jabuuti Iyo Soomaaliya

Akhri War-saxaafadeed xambaarsan go’aanno oo ay Guddiga Ka hor-tagga COVID-19 soo saareen shalay

Hargeysa-(Hubaal)- Sukuumadda Somaliland ayaa shaacisey in gabi ahaanba la xidhay xaduudka dhulka ee Somaliland  la leedahay dalalka Itoobiya, Jabuuti iyo Soomaaliya.

Sidaasina waxa lagu sheegay war-saxaafadeed xambaarsan go’aanno muhiim ah oo ay shalay soo saareen Guddida heer qaran ee Jamhuuriyadda Somaliland u xil-saartay u diyaar-garowga iyo ka hortagga Xannuunka COVID19,, kaasi oo nuqul ka mid ahi soo gaadhay Hubaal waxaanu u qornaa sidan:-

“Waxa la xidhay dhammaan xadka dhulka ah ee Somaliland ay la leedahay dalalka ITOOBIYA, DJIBUTI IYO SOOMAALIYA muddo 3 toddobaad ah, laga bilaabo 26th March 2020, 06:00 PM, waxa kaliya oo ka soo gudbi kara waxyaaabaha daruuriga ah sida Raashinka, Shidaalka, Daawooyinka iyo Agabyada kala duwan ee caafimaadka iyo Baddeecadaha Ganacsiga.”