Akhri: Warqad La Weriyey In Dawladda Soomaaliya Ay U Dirtay Dayax-gacmeedka Thaicom 5, Kana Hadashay Eedayntii Hawada Ka Saartay Telefishanka
Moqdisho (Hubaal./ Ilays-News):- wasiirka warfaafinta Soomaaliya Maxamed Cabdi Xayir Maareeye ayaa la weriyey in uu qoray warqadii uu hawada dib ugu soo celisey Telefishanka HCTV oo muddo toddobada cisho ah hawada ka maqnaa. Sida ka muuqata warqad la weriyey in ay ka soo baxday xafiiska wasiirka warfaafnta sooomaaliya oo lagu daabacay qaar kamid ah degellada wararka Soomaalida, warqadan oo ku qoran luuqada Ingiriisiga ayaa waxa ku faah-faahsan nuqulka codsi iyo cabasho uu wasiir Maareeye u gudbiyey Thaicom 5 taasi uu kuu sheegayo in HCTV uu maamul ahaan hoos yimaado xukuumadda federaalka gaar ahaana wasaaradiisa warfaafinta sidaasi darteedna uu yahay TV xuquuq shaqo ku leh wasaarada warfaafinta Soomaaliya.
Qoraalkan waxa uu u dhignaa sidan :
“anaga oo tixraacayna warqada taariikhaysan June15, 2016 ee taasi oo qeexaysa cabashada iyo eedaynta xoogan ee ismaamulka Soomaalida Ethiopia uu kaga soo horjeedo HCTV kuna codsanayso in HCTV ay shirkada Thaicom 5 hawada ka saartay marka hore waa in aanu shirkadiina arrintaasi ka xaqiijino. HCTV waa shirkad warbaahineed oo gaar loo leeyahay diiwaangashan kuna shaqaysa sharciga u yaalla wasaarada warfaafint ee dawlada federaalka ee Soomaaliy. shirkad kasta oo ka aasasan gobolada kala duwan ee maamulada dalka/Soomaaliya sida Soomaaliland taasi oo u sharciyeysan dawlada federaalka Soomaaliya waxa lagu maamulaa sharci iyo heerka anshax ee u yaalla xirfad-yahanimada ka jira Soomaaliya. wasaarada ahaan in hawada laga saaray HTCV waxaanun ka war-helnay dhawaan balse waxaanu rajaynay cabashadan oo kale in ay nagu soo wargeliso dawlada dhexe ee Ethiopia, manay ahayn in ay arrintaasi ku dhaqaaqdo maamul goboleedka Soomaalida Ethiopia. waxa nasiib darro ah in maamul goboleed uu isagu warqad idin soo qoro taasina ay horseedo inaad hawada ka saartaan HCTV. haddii aanu nahay dawlada Soomaaliya waxaa asaas noo ah xoriyada saxaafada iyo hadalka waanaanu ballanqaadnay arrintaasi muna duqaadanayno oo aanu ka soo horjeednaa tallaabo kasta oo lagu mijo-xaabinayo nabadda , deganaashiiyaha gobolka iyo waxii kicin ku keenaya bulshada geeska wada degan . arrinta hawo ka saarinta HCTV waanu baadhanynaa waxaanu horgeynaynaa sharciyada saxaafada iyo xirfad anaga oo kaashanayna dawlada federaalka ee Ethiopia.
Hadaba waxaanu shirkada Thiacom 5 ka codsanaynaa in sida ugu dhakhsaha badan ay hawada dib ugu soo celiso telefishanka HCTV si uu u sii wado adeegyadii uu siin jiray bulshada Soomaaliyeeed ” ayaa lagu yidhi warqadan uu soo saaray wasiir Maareeye. Lama hubo in ay sax tahay tixraaca warqadan, kamana ay hadal dhinacyada ay khusaysaa hase yeeshee toddoba cisho ka dib ayaa mar kale telefishanka HCTV hawada dib ugu soo noqday, taas oo maamulka tiifiiguna uu sheegay in ay ka wareegeen signalkii hore looga daawan jiray oo ay u guureen mid kale.
