DALAB (Maanso) – W/C: Maxamuud Gaani
Hargeysa(Hubaal)-Maansadan oo uu curiyey Hal-abuur Da’ yar oo lagu magacaabo Maxamuud Gaani, waxa ay soo baxday 17/1/201
1. Digtii Maxamed Xaashiyo,
2. Deelaydii uu furay,
3. Haadraawina ka daba riday,
4. Daabac maansadiisii,
5. Daayinbaan i uuminoo,
6. Waqtigaa dib ii dhigay
7. Dunidaba ma joogine,
8. muxuu hadalku duurxulay
9. gabay dacwada lagu furay
10. abwaanadu dayaansheen
11. dadka samo u baaqeen
12. xumahana ka doorsheen
13. wanaag kula dedaaleen
14. Muxuu gabay dariiq furay.
15. Kala diray daruuraha.
16. Docba qaar u baacsaday.
17. Sadar hoos u soo degay
18. Colaaddii daboollaa
19. Muxuu debeda soo dhigay
20. dixda hoose ugu tegay
21. hal abuurku doodaa
22. Diiwaan muxuu qoray
23. Amuurii dahsoonaa
24. Dayrkii xumaantiyo
25. Dulmigii muxuu fadhay
26. Muxuu daaha ugu rogay
27. Dadka eega wada yidhi.
28. Dulmi nexeb hashii beri,
29. Dambarkeedii muu goin.
30. Dararteedii may gudhin.
31. Dib hadday u curatoo,
32. Anaa daadihinayoo
33. Maanta daah furaayee
34. Digdheh deelka maansada.
35. Ruux hadduu dakano qabo,
36. Dadka wuu ka dhuuntaa.
37. Haduu docadocayntiyo,
38. Dayn waayo hadalada,
39. Sidee loola doodaa?
40. Isna uga dabaashaa?
41. Bal hadana ka diga rogo
42. Aqoonsiga dadweynuhu,
43. Ay wada dalbanayaan,
44. Daw mid kaad u leedahay,
45. Ruuxa sii durkinayee,
46. Kuu diiday kugu yidhi,
47. Bulshayahay nin kuu daran.
48. Sidee loola doodaa?
49. Isna uga dabaashaa?
50. Bal hadana ka digo rogo.
51. Adoo daal haraad qaba,
52. Darka ruux joogsada,
53. Darimaysid kugu yidhi,
54. Doqon kaa wax yeeliyo
55. Dalanbaabi kula jecel
56. Sidee loola doodaa?
57. Isna uga dabaashaa?
58. Bal hadana ka diga rogo
59. Doogtii horee beri,
60. Nabarkii dalloolay,
61. Duugoobi waayoo,
62. Dibin daabyadiisii,
63. Daqarkii ma baabi,in.
64. Geeystaa damqaayoo,
65. Boogaha duraayee,
66. Sidee loola doodaa?
67. Isna uga dabaashaa?
68. Afartan aan isdaba dhigay,
69. Waa dooda maansada.
70. Araar aan ku daahfuray.
71. Dig abwaan lahaan jirey.
72. Diwaanka maansada
73. Afar kalena daallaco.
74. Ka durduuro weedhaha.
75. Dulucdiyo u jeedada
76. Dabuubtayda hadaladu
77. Dalab weeye ii maqan
78. Waxa aan u dirayaa,
79. Dadka kiisa garasha leh.
80. Duli lama rabaystee.
81. Goboloda dalkayga ah,
82. Isirka ay ku dooneen,
83. Dagaalka ay ka huriyeen,
84. Isku diradirayeen,
85. Dabka maad ka damisaan
86. Deriskiyo walaaalaha.
87. Isku duubni wada jir ah,
88. Maad ugu ducaysaan.
89. Nabada maydin daysaan.
90. Ninka diida ee naca,
91. Maad laba diblaysaan.
92. Siday isku diyaarsheen
93. Maad ugu dedaashaan.
94. Aqoonsiga ka daamuray,
95. Qalinka ugu duugtaan.
96. Qaran dawladoo jira,
97. Soomaaliland dad ah,
98. Dunida maw cadaysaan.
99. Dawladaha u sheegtaan.
100. Dal awoodleh mida
101. adigana ku daafaca ,
102. Kaaga dayran cadowgoo,
103. Garabkaaga laga dayo,
104. duulaana kula jira
105. Deris aad wadaagtaan
106. Dalkan maad ka dhigataan
107. Waa dab hoos ka nooloo
108. Nin shisheeye kuu daran
109. Danihiisa gaarka ah
110. Buu kaa durduurtaa
111. Intaa wuu daldalayaa
112. Dahabkiyo ugaadhii
113. Diinna wuu fidinayaa
114. Dumarkiyo raguu simay
115. Haweenkoodu darajada
116. Iyagaaba door mudan
117. Diir nimaad wadaagtaan
118. Baa kuu damqanayoo
119. ku dareemikarayee
120. Degmadii hargeysiyo
121. Dila iyo cammuudiyo
122. Deganeey wajaaliyo
123. dawgii buurta shiikhiyo
124. Daristii togdheer iyo
125. Duudii ceerigaabiyo
126. Degelkii sarmaanyiyo
127. Dooggii nugaaaleed
128. Dooxii saraar godan
129. Deli iyo cal xeebeed
130. Surud daalo iyo guban
131. dabarsoola iyo hawd
132. Deganaansho weeyee
133. Maad farxada daysaan
134. Dacwadiyo colaadaha
135. Dal shisheeye kaga yimi
136. Xumaa maad ka damishaan
137. Deriskiyo walaalaha
138. Soomaaliland degel
139. Daar dhisan tay weeyee
140. Maad qaranka dayrtaan
141. Allaa deeqda bixiyee
142. Daacad maw ahaataan
143. Dawladaha aduunyada
144. Dal ka mid ah ka yeeshaan
145. Waa dabaal deg xaalkuye,
146. Durbaan loo garaaciyo,
147. Sacab mawgu ku deeqdaan.
148. Degelkuba ha nuuroo,
149. Dayax haw bidhaamee.
150. Dumarkuna mashxarada,
151. May ugu daraanoo
152. Uga dininig siiyaan.
153. Nin ragaa dareemoo,
154. Guulaha ku diirsada.
155. Duriyad xalaaliyo,
156. Duul ifka ku noolbaa,
157. danahaaga garan kara
158. Dalabkaaga fulin kara.
159. Ileen daarta aakhiro,
160. Aboor kaama didiyoo,
161. Kaa difaacimaayee.
162. Deeqdiyo hanayntuna,
163. Waa darajo aadmigu,
164. Qofba dabaq ka joogaa.
Maxamuud Salebaan X, Ducaale (Maxamuud Gaani),
Tell: 0634621517 ama 9400631
Email: Guulsame@gmail.com
