Madaxda maamul goboleedyada dalka Soomaaliya ayaa ku sii qulqulaya magaalada kismaayo, oo lagu wado in uu ka furmo shir ay isugu imaanayaan madaxda maamul goboleedyada.
Madaxwaynayaasha maamulada Hirshabeelle,Mudane Max’ed Cabdi Waare iyo Madaxweynaha Galmudug Mudane Axmed Ducaale Geelle (Xaaf) ayaa waxay durbaba soo gaadheen Kismaayo, waxaana soo dhaweeyay mas’uuliyiinta maamulka Jubaland oo ay marti u yihiin.
Waxaa magaalada Kismaayo hore ugu sii sugnaa wefti uu hogaaminayay Madaxweynaha Koonfur Galbeed oo maalin ka hor gaadhay magaalada Kismaayo.
Inkastoo aan si rasmi ah loo ogeyn ajandaha shirkan ayaa haddana waxaa lagu xardhay hoolka lagu wado in uu shirka ka furmo sawirrada madaxda maamul goboleedyada oo uu ka sareeyo sawirka madwaynaha dowlada fedaraalka.
Dowladda fedraalka ayaan wali si rasmi ah uga hadlin in madaxdooda ay ka qaybgalayaan iyo in kale.
