“Waxaa uu qiray In Musuqmaasuqa Uu Halis Ku Yahay Ammaanka Ummadda, aakhirkana Dhaxalsiin doono Eex, Curyaamin Dhaqaalle iyo Hanti Lunsi”
Nairobi (Hubaal)- Madaxweynaha Kenya Uhuru Kenyatta oo khudbad shacabiga dalkaasi khudbad dheer uga jeediyay shacabka Taleefishinka Qaranka Kenya, ayaa fariin adag u diray dadka ku kaco musuq-maasuqa oo uu sheegay iney la kulmi doonaan ciqaab adag. Khudbaddiisa ayuu ku xusay in musuqa Kenya hadheeyay uu halis ku yahay ammaanka, uuna keeni karo curiyaamin dhaqaale, Eex, Hanti lunsasho iyo Laaluush ka dhaca mushtamaca dhexdiisa.
Waxaanu intaas ku daray Madaxweyne Kenyatta, in xabnaha ka tirsan Xukuumadiisa ee lagu helo inay ku lug leeyihiin xatooyo ay la kulmi doonaan cibaaqo kala duwan, isagoona ugu baaqay Guddiga la dagaalanka Musuqa Kenya iney isha ku hayaan xubnaha damacsan iney wax isdaba mariyaan.
Sidoo kale shacbiga dalka Kenya, ayaa fikrado kala duwan ka muujiyay khudbadii uu Madaxweynuhu kaga hadlay arrimaha Musuq-maasuqa, waxeyna qaarkood sheegeen iney u arkeen qudbadaas mid lamid ah khudbadihii ay horay u maqli jireen oo aynan waxba ka badali karin arrinta Musuq-maasuqa. Halka qaarka kalana ay soo dhaweeyeen, iyagoona ku tilmaameen hadalka Madaxweynaha inuu yahay mid wax weyn ka badali karo Musuq-maasuqa ka jiro Kenya.
Geesta kale Raysal-wasaarihii hore ee Kenya Raila Odinga oo hada ah Hoggaamiyaha Xisbiga CORD ee mucaaradka ah, ayaa ugu baaqay Madaxweyne Kenyatta inuu xilka ka qaado saraakiisha sar-sare ee ka tirsan dowladiisa ee loo haysto hanta lunsasho.
Sabtidii todobaadkan dhaafnay ayay ahayd markii Wasiiradii hore ee hawlaha baahinta awooda Kenya Anne Waiguru ay iska casishay xilkii ay haysay kaddib markii lagu eedeyay inay lunsatay hanti badan.
