Hargeysa (Hubaal) madaxweynaha Somaliland Axmed maxamed Maxamuud (Siilaanyo) ayaa waxa uu xeer madaxweyne ku dhaqangeliyey xeerka komiishanka qaranka ee la dagaalanka AIDS-ka oo golaha wakiilada Somaliland hore u ansaxiyay,sidaasna waxa lagu sheegay war-saxaafadeed kasoo baxay aqalka madaxtooyada oo uu ku sexeexnaa af-hayeenka madaxtooyada Axmed Saleebaan Dhuxul waxaanu u dhignaa sidan:
WAR-SAXAAFADEED
Madaxweynaha Jamhuuriyada Somaliland, Mudane. Axmed Maxamed Silaanyo
waxa uu xeer madaxweyne oo sumadiisu tahay JSL/M/WM/240-2909/012015 ku dhaqangeliyey Xeerka Guddida (Komishanka) Qaranka Ee Xakamaynta AIDS-ka Xeer Lr. 67/2014
Madaxweynuhu:-
Markuu Arkay: Qodobka 90aad ee Dastuurka Jamhuuriyadda Somaliland;
Markuu Arkay: Qodobka 75aad ee Dastuurka Jamhuuriyadda Somaliland;
Markuu Arkay: Go’aanka Golaha Wakiillada Go’aan Lr. GW/G/KF-26/645/2014 ee
ku taariikhaysan 05/01/2015 ee ay ku ansixiyeen Xeerka Guddida
(Komishanka) Qaranka Ee Xakamaynta AIDS-ka Xeer Lr. 67/2014.
Wuxuu Soo Saaray
Xeerkan oo lagu baahinayo Dhaqan-galka Xeerka Guddida (Komishanka) Qaranka Ee Xakamaynta AIDS-ka Xeer Lr. 67/2014.
