Socdaalka Madaxweynaha Waxaa ku Wehelinayay Xildhibaan Ka Tirsan golaha Wakiillada
Hargeysa (Hubaal)-Madaxwaynaha Somaliland Axmed Maxamed Maxamuud Siilaanyo ayaa subaxnimadii hore ee shalay oo jimce ahayd safar ugu baxay dalka Imaaraadka Carabta gaar ahaana magaalada Dubai. Madaxwayne Siilaanyo ayaa waxa safarkiisa ku wahelinayay marwada koowaad ee qaranka Aamin Waris,xoghayihiisa gaarka ah ee Cali Axmed Cali iyo xildhibaan Axmed Diiriye Nac-nac, iyaga oo ka duulay garoonka diyaaradaha ee magaalada Hargeysa, halkaas oo ay madaxwaynaha kusii sagootiyeen wasiirro ka tirsan xukuumaddiisa, saraakiisha ciidamada dalka, xildhibaano Baarlamaanka iyo Guurtida katirsan iyo masuuliyiin kale. Ujeedada socdaalka madaxwaynaha ayaa ah mid gaar ah iyaga oo xogo kasoo baxaya safarka madaxwaynaha ay sheegayaan inuu yahay inuu halkaasi u tagayo kulan uu la qaaddanayo dhakhaatiir ay ballameen safarkii hore ee madaxwayne Siilaanyo dhawaan ku tagay dalka Imaaraadka Carabta kaas oo qaatay muddo 28 caano maal ah. Safarkan uu madaxwayne Siilaanyo ugu baxay Imaaraadka Carabta Ayaan la garanayn mudada uu qaadan doono.
