Hargeysa:(Hubaal)-Gudoomiye ku xigeenka koowaad ee Xisbiga WADDANI Ahna Gudoomiyaha Garabka Toosinta iyo cadaalada Xisbiga WADDANI Mudane Axmed Mu’min Seed waxa uu maalintii shalay magacaabay laba gudi oo uu ku sheegay inay kala yihiin, Guddida Abaabulka iyo wadahadalada ee garabka toosinta Iyo Cadaalada Xisbiga WADDANI kaas oo uu gudoomiye uga dhigay Marwo HInda Jaamac Xirsi, kana kooban yaya lix xubnood oo kale.
Sidoo kale gudoomiye Seed waxa uu magacaabay Madaxa Abaabulka iyo isku dubaridka xaflada Soo dhawaynta garabka toosinta ee uu dhawaan ku tagayo Gobolka Awdal.
Warsaxaafadeedkan oo laga soo saaray xafiiska warfaafinta Garabka Toosinta Iyo Cadaalada Xisbiga WADDANI oo nuqul ka mid ahi la soo gaadhsiiyay wargeyska Hubaal, ayaa waxa lagu sheegay in toddoba xubnood loo magacaabay wada-hadallada garabkaas uu geli doono, waxana ay toddobadaas xubnood kala yihiin sidatan:
1. Hinda Jaamac Xirsi……………………. Guddoomiye
- Maxamed Abiib Yuusuf…………….. xoghaye
3.Cismaan Xuseen Gurxan(kalash)……. xubin
4.Foosi Xaaji Cabdilaahi(dirir) xubin
5.Aamina Cilmi Fariid xubin
6.Cali Xasan Cismaan(kubad) xubin
7.Xil. Daa’uud Abiib Axmed… xubin
Dhinaca kalena waxa uu Guddoomiye Axmed Muumin Seed magacaabay guddi labaad oo uu ugu talo galay inay ka shaqeeyaan abaabulka soo dhaweyn ballaadhan oo dhawaan magaalada Borama loogu qaban doono, taas oo abaabulkeeda la dareemayo, waxana xafladaas hoggaamin doona Maxamed Abiib Yuusuf oo garabka caddaaladda iyo Toosinta katirsan.
