Marwada Qaranku Waa Ooridii Qarniga!!! W/Q:
Waxaan salaamayaa dhammaan saxaafadda madaxa banaan waxaan u holladey inaan wax ka qoro dedaalka marwada koowaad ee jamhuuriyadda Somaliland Marwo Aamina-Weris ay ka wado guud ahaan dalka.
Marwo Aamina-Weris marka loo eego aqoonteeda heerka jaamacadeed gaadhsiisantahey taas oo ay tahey marwadii ugu horeysey ee soo marta qasriga madaxtooyadda shahaade sare jaamacadeed sidata waxaaney shahaado Master oo Cafimaadka ah (Medicine) ka qaadatey jaamacad caan ah oo ku taala wadanka UK. Marwo Amina Weris waa deeqsiyad kartibadan leh oo aan gurigeeda lagu qadin waxa weeye marwada markaad usoo gashid aad dareemeysid inaad soo gashey guri hooyo wanaagsan ay joogto naxariista iyo soo dhaweynta aad kala kulmeysid aad u khushuuceysid.
Marwo Amina weris waa shakhsiyad ku sifeysan gacan furnaan maalkeedana u hurta mashaariicda horumarineed ee dalka laga wado gobol kaste degmo kaste oo ay ka socdaan mashaariic horumarineeda wey ka qeyb qaadataa oo lacag cadaan ah ayey bixisaa waana ta keentey in ay taageerayaal badan yeelato. Marwo Aamina-Weris waxey noloshooda wax weyn ka badashey caruur badan oo agoomo ah kuwaas oo markii hore agoon iyo rajeynimoba isku darsadey balse markii marwo Aamina qasriga madatooyada soo gashey, agoontaasi rajeynimadii ka baxey markey heleen hooyo aad u naxariis badan oo ka fikireysa hugooga , dhuunigooga iyo waxbarashadooda.
Marwo Aamina-Weris waxey wax weyn ka badashey doorka haweenka intii ay joogtey waxa kor u kacey doorkii haweenka uu wadanka ka taagnaa waxa hoos u dhacey takoorkii haweenka ee dhinaca wax barashada iyadoo hablo badan jaamacada dalka ka baxeen waxa sidoo kale gabi ahaanba meesha ka baxey gudninkii fircooniga ahaa oo halis caafimaad ku hayey haweenka marwaduna xil iska saartey sidii loo dabar goyn lahaa Isku soo wada duubo arimaha aan soo sheegney oo dhan ayey Marwo Aamina-Weris ku noqotey marwadii ugu fiicneyd ee soo martey qasriga madaxtooyada Somaliland la iskumana hayo iney tahey Marwadii Qarniga Somaliland.
Ciise Cali Xasan
Berbera/Somaliland
