Masar Oo Madaxaa-ha-ku-furto Ku Xukuntay Madaxweynihii Hore Ee Dalkaas & Xubno Kale Oo Ikhwaan Ah

Qaahira (Hubaal) – Madaxwaynihii Hore ahna Hoggaamiyaha ururka  Ikhwaanul Muslimiin ee dalka  Masar,  Maxamed Mursi ayaa  shalay oo  sabti ahayd lagu Xukumay Xabsi Daa’in. Maxkamada Danbiyada ee Qaahira ayaa ku xukuntay Lix ka mida Ikhwaanul Muslimiinka Dil Toogasho halka laba kalena ay ku xukuntay Xabsi Daa’in ama madaxa haku Furto. Xabsiyada  ku yaala dalka Masar oo xukunka ugu badani yahay 25sano ayaa waxay Madaxwayne Mursi Maxkamadani  ku xukuntay 40 sano iyo in noloshiisa oo  ku dhameysanayo Xabsiga,  kadib markii ay ku eedeysay inuu hogaamiye  Xisbi sharci daro ah sida ay maxkamadu sheegtay. Madaxwayne Mursi oo ahaa madaxwaynaha kaliya ee dalka Masar si sharciya lagu Doortay 2012kii waxaa xilkaasi ka tuuray Ciidamada milatariga oo uu hogaaminayay Madaxwaynaha haatan ee Cabdul Casiisi. Dawlada Masar ayaa carafadii Sanadkii Hore sheegtay inay daldalayso Madaxwayne Mursi, falkaasi oo umad badan oo muslimo ahi ka murugootay laguna cambaareeyay dawlada Milatariga ee dalkaasi, balse markii dambe dawlada Masar way ka noqotay Xukunkaasi kadib markii uu cadaadis kala duwan kaga yimid dawlaha Islaamka. Dawlada Qadar ayaa taageero xoogan u haysa madaxwayne Mursi iyo xubnaha Ikhwaanul Muslimiinka Masar iyadoo dhawr jeer oo hore ka hadashay xukunada ay kala kulmaan dawlada Milatariga Masar. Ururka Ikhwaanul Muslimiinka Masar ayaa ka mid ahaa ururadii sida xagjir ah uga soo horjeeday 2011kii Dawladii Xusni Mubaarik ee Xilka laga tuuray.