Micnaha Magacyo iyo Meelo caan ah

1.  Bakaal: Cudur isha ku dhaca oo ay yeelato bar cad, Meeraha labaad oo qorraxda ku wareega oo u dhexeeya dhulka iyo dusaaga; xiddigta waaberi; waxaraxir, Qof lixaad weyn.
2.  Bidde: nin la haysto oo aan xor ahayn oo sidii la doono loogu shaqaysto.
3. Biixi: Lafo dhaadheer oo adag.
4.   Boobe:Nooc hubka mida oo si daran doori ah u dhaca ama cayayaan yar yar oo gala iniinyaha xabxabka iyo sisinta.
5. Bootaan:Bus; habaas. Meel bus ama habaas leh.
6. Bulxan:Cod naflay badani isku darto oo farxad iyo qosol leh.
7. Cawil:Wax ku dhaafay ama lumay badalkood.
8. Cawl:Midab casaan xigeen ah, Cawsha keeda lab ama ugaadha waaweyn jaad ka mid ah oo leh midab casaan xigeen ah, geesa dhaadheer iyo daba gaaban oo bogga cad.
9. Cigaal:Xadhig dun madow ka samaysan oo cumaamada madaxa logu xejiyo ama tuuryo meel dheer ku dhacda.
10. Cirro:Timo cadaaday oo madaxa iyo gadhka ka baxa.
11. Deero:Jaad ugaadha ka mid ah, cawsha ka yar, dib gaaban, dhinacyada laba diillimood oo madow ku leh oo raxan-raxan isu raacda.
12. Dogox: Qof wayd ah ama dhul godan oo carro jilicsan oo biyo qabatin leh.
13. Duur:Meel geedo badan oo jiq ah oon cidi daganayn.
14. Fadal:Raad noolo oo dhulka diisay ama qoday.
15. Galaal: Diilin cad oo badhtanka madaxa idaha kaga taal, ama qof turub laga badiyay oo dambas iyo nuurad madaxa laga mariyay.
16. Geenyo: Faras dheddig.
17. Hawd: Dhul dhir dhaadheer oo cuur ah leh, buuro lahayn oo aan biyo badnayn.
18. Jiciir: Midab ciiro casaan ku jiro leh.
19. Koore: Shey badanaa harag la megdey ka sameysan oo la saaro fardaha iyo baqlaha, si marka la fuulo fadhigu raaxo u yeesho.
20. Magool: Geedo caleen bixin xilli aan roob jirin
21. Nacnac: Macmacaan yar oo udgoon oo caruurtu jeceshahay oo muud muudsato.
22. Oog: Subaxnimo, Dab weyn oo sida badan loo shido in la isaga digo colaad, Calaamad cad oo ay lo’da qaarkeed wejiga ku yeelato.
23. Oomaar: Kul badan, Ur ka dhalata cunto gubatay biyo la’aan awgeed.
24. Qabo: Geed leh caano, qodxo iyo sooh wanaagsan oo weelka iyo alaabta laga samaysto.
25. Qalax: Dhul dhagax badan oo oomane ah.
26. Rakuub: Awr fuuli maad loo tababaray.
27. Rayte: Silig shaqab ah oo sariiraha laga sameeyo ama midho kuuskuusan oo midhaha gobka ka yara weyn leh midab madow oo dharka lagu dhaqan jiray.
28. Sabayse: Tuulo Ethiopia ku taal.
29. Samsam: Biyo barakaysan oo ceel kacbada ku yaal laga helo.
30. Sanaag: Dhul buuraley ah.
31. Sandulle: Dalool sanka lo’da laga dalooliyo oo bir laga geliyo si xadhigga lagu hoggaaminayo loogu xidho, ama waxay noqotaa qasab ama xoog.
32. Saylici: Ciyaar dhaqamed somalidu can ku tahay oo ciyaarto.
33. Sifir: Isir: Ab ama waalid.
34. Siilaanyo: Nooc xamaaratada yaryar ka mida.
35. Solteco: Shirkad isgaadhsineed oo kacday.
36. Sool: Hawd oommane ah.
37. Surad: Geed faalala oo xooluhu daaqaan waxna lagu daaweeyo.
38. Suudi: Kul aad u badan oo qorraxeed
39. Taani: Qof laf iyo xoog leh.
40. Wabar: Nin reer ama tol madax u ah, ama qof wanaagsan.
41. Waris: Nooc ka mida dhirta ama dhoobo loo adeegsado si dharka loo midabeeyo.
42. Waxar: Dhasha riyaha ama orgi yar.
43. Xirsi: Warqad quraan ku qoran yahay oo la xidho oo balaayada xijaab ahaan looga qaato.
44. Xujaale: Qof Had Iyo Jeer Xujo Keena.

Soo ururinta: Guleid Ali Jabane

Xigasho: Qaamuuska Af-Soomaaliga (Cabdalla Cumar Mansuur, 2012).