“Xafiiska Imtixaannaadku Qorshe Ayuu Dhejiyey, Si Aanu Ardayga Uga Bi’ino Cabsida Imtixaanka Uu Ka Qabo Nasiib Darro Se Kuwi Magaallada Joogay Dheg Umay Dhigin Qorsheyaashii Wasaaradda” Wasiir Habanne
Hargeysa (Hubaal) – Wasaaradda WAxbarashada iyo tacliinta sare ee Jamhuuriyadda Somaliland ayaa malaintii shalay waxaa ay si rasmi ah ugu dhawaaqday natiijada imtixaanka shahaadiga ah ee fasallada afraad ee dugsiyada sare iyo fasallada sideedaad ee dugsiyada hoose/dhexe eesanad dugsiyeedka 2016 illaa 2017. Munaasibad maalintii shalay lagu qabtay hoolka shirarka ee xafiiska guddida imtixaannaadka qaranka oo ay ku sugnaayeen masuuliyiinta sare ee wasaaradda waxbarashadu oo uu ugu horreeyo wasiirka wasaaradaasi Md. Cabdillaahi Ibraahim Habanne (Cabdillaahi Dheere), Guddoomiyaha guddida xafiiska imtixaannaadka Qaranka Daauud Axmed Faarax Bile iyo saraakiisha sarsare ee wasaaradaas ayaa lagaga dhawaaqay natiijada imtixaannaadkii sanad dugsiyeedkan ooay u fadhiisteen ardaydii ugu tirada badnayd ee imtixaannaadkalaga qaado, kuwaasoo tiradoodu dhamayd 26051 [lix iyo labaatan kun iyo kow iyo konton arday], hase yeeshee waxaa imtixaannkaasi ku guul daraystay oo iyagu dhacay arday dhan 3551 arday [saddex kun shan boqol iyo kow iyo konton arday].
Wasiirka wasaaradda waxbarashada iyotacliinta sare Cabdillaahi Ibraahim Habanne oo isagu halkaasi ka hadlay ayaa ugu horreyn hambalyo u diray ardaydii ku gudubtay imtixaannaadka isaga oo ugu baaqay in ay kuwa aan gudbini kalsooni naftooda siiyaan oo aanay ka niyad jebin waxbarashada balse ay aqoontooda kabaan dibna ugu laabtaan waxbarashadii sanad dugsiyeedkan. “xafiiska imtixaannaadku qorshe ayuu dhejiyey, kaasoo ahaa in qof waliba uu xaqiisa helo wasaaradda waxbarashaduna waxay ku dadaashay inay manhajkii daabacdo, in ay TV-ga casharro ka bixiyaan macalimiintii buugta manhajka qortay si aanu ardaygii deegaammada fogfog ku dhaqnaa aanu uga bi’ino cabsida imtixaanka uu ka qabo nasiib darro se kuwi magaallada joogay dheg umay dhigin qorsheyaashii wasaaradda”. Sidaa ayuu yidhi wasiir Cabdillaahi Dheere. Intaasi ka dib waxaa madasha ka yeedhiyey natiijadii imtixaanka guddoomiyaha xafiiska imtixaannaadka qaranka Daauud Axmed Faarax waxaanu ku dhawaaqay tobanka dugsi sare ee ugu sarreeyey dugsiyada dawliga ah yo tobanka ugu sarreeya dugsiyada gaarka loo leeyaha ee dalka oo dhan markalaga yimaado dugsiga SOS.
Isku soo wada xooriyoo badiba dugsiyada sare ee magaallada Hargeysa ee dawliga ah ayaa ardaydoodu aanay ku guulaysan kaalmihii ugu sarreeyey marka loo eego sanadihii hore oo ay kusoo bixi jireen. Sidoo kale tirada ugu badan ee ardayda dhacday ayaa ay dugsiyadani calanka u sideensanadkan.
Lasoco cadadyada soo socda ee wargeyska HUBAAL oo aanu idinku soo gudbin doono xogo faahfaahsan oo ku suntan liisaska ardayda dugsiyadu sida ay u kala heleen natiijada iyo sida ay ugu kala badnaayeen dhibcaha gudbay kuwo aan gudbin.
