Ramaax Oo Laba Jawaabood oo Hanjabaadi Ku Ladhan Tahay Midig iyo Bidix Uga Kala Dhiibay Dablay Burco Weerartay Iyo xildhibaanno reer Boorama Ah
“Qofku Gar Wuu Is Bidi Karaa Oo Wuu Soo Ashkatoon Karaa Haseyeeshee Maaha Inuu Sheegto Wax Aanu Ahayn [Waayo Dablaydani] Waxay Bilaabeen Inay Hanjabaad Digaagle Tv-Ga Ka Sameeyaan”
Hargeysa (Hubaal)- Badhasaabka gobolka Togdheer Maxamuud Cali Saleebaan (Ramaax) ayaa ka hadlay dablay maalintii dorraad weeraray xaafad ka tirsan mgaallada Burco, kuwaas oo markii dembe xabsiga loo taxaabay. Sidoo kale Waxaa uu ka hadlay islamarkaana jawaab ka bixiyey eedo ay golaha deegaanka ee Boorama u soo jeediyeen kuwaasoo la xidhiidha arrimo dhul. Ugu horeynse waa kan Ramaax oo ka hadlaya dablayda weerarka ka fulisay Burco ee xabsiga loo taxaabay “Niman hanjabaad digaaleyaal hanjabayay bay ahaayeen ee Anigu ma odhan karo niman weerar sameeyey weeyey, halkanna wax jabhad ah o ka jirtaa ma jirto”. Sidaas ayuu yidhi guddoomiye Ramaax ooshalay xogwarran khaas ah siiyey weriye Bedri Koosaar Maxamuud Oo katirsan telefishanka cusub ee ERYAL loo yaqaanno, waxaanu intaa ku daray “ninka TV-ga ka hanjabayayna immika wuu xidhan yahay intoodii kalena waa lagu daba joogaa, waxaan leeyahay waa kii ninkaasi lahaa dawladi noomaiman karto ee muxuu isu difaaci waayay markii ay ciidammadu soo qabteen. Adeer meesha dawlad baa ka jirta nabadgelyadeeduna way sugan tahay ninkii gardarroodana sharciga ayaa la marinayaa sida kuwaas la soo qabtay”. Ayuu Md. Ramaax yidhi. Waxaa kale oo uu sheegay in ay ka garaabayaa wixii cabasho ah ee laga tirsado maamulkiisa iyo guud ahaanba dawladda hase yeeshee ay reeban tahay in qofku uu sheegto wax aanu ahayn “wax way dhici karaan laakiin maaha in qofku sheegto wax aanu ahayn ama ay warbaahintu buunbuuniso, qofku gar wuu is bidi karaa oo wuu soo ashkatoon karaa haseyeeshee cid ay ula yimaadeenma jirto anigaa badhasaabkii ah oo wali hal waraaq oo ay ii keeneen oo cabasho ah maan arag dawlad baa wax noo fulin waydayna way ka lahaayeen TV-ga, annagu waanula hadalnay oo waanu sugaynay laakiin waxay bilaabeen inay hanjabaad digaagle TV-ga ka sameeyaan”.
Geesta kale Guddoomiye Ramaax oo ka hor intii aan aanu badhasabka ka noqon gobollada Togdheer iyo Sool ahaa guddoomiyaha gobolka Awdal ayaaka jawaabay eedo ay xildhibaanno ka tirsan golaha deegaanka ee Boorama usoo jeediyeen isaga oo ay ku eedeeyeen in uu halis ku yahay dhulka magaallada Boorama, “Ceeb bay reer Boorama ku tahay in kuwaas [xildhibaannada deegaanka] oo kale ay talada deegaankaas gacanta ku hayaan, iyadoo ah boorama magaallada ugu cilmiga iyo aqoonta badan ayaa haddana Kaari, direwal iyo mid aan waxba soo barani ay u ahaadaan Maayar waa nasiib darro runtii” ayuuyidhi Ramaax oo ka jawaabaya eedaha ay xildhibaannada golaha deegaanka Boorama u soo jeediyeen waxaanuintaa ku daray “inay reer Boorama iska dul qaadaan weeye kuwaasi u talinaya iyaga oola kaashanaya maamulka gobolka. Waxaan ka naxay habeen dhawayd baan tegey boorama dabadeed waxaan arkay laydhadh Soollar ah oo noo bixi jiray waqtii aan ahaa baadhasaabka oo dhulka ku daatay dabadeed waxaan idhi waar meesha meeye nimankii deegaanku, waxaa la igu yidhi waa la wada gurtay oo iskaraab ahaan baa loo wada iibiyey, kolkaa halka la iga raacayna halkaas bay ahayd, waana nasiib darro in mashruuc laba boqol oo kun oo dollar ah oo aanu boorama ku gelinay laydhku uumaanta hal biro o kali ahi kataagan yahay arrintaasna dadweynaha reer Boorama ayaa iiga marag ah.” Ayuuu Ramaax ku dooday. “anigu shan gobol baan soo maray oo Waxaala igu yaqaannaa aniga la heli maayo weli maayar aan waraaq u qoray oo aanhal jago ku waydiistay waayo waxayagii hore ayaaba iga badan, baahi ii haysa inaan Boorama Jago ka qaataa ma jirto, Burco kuwayagii hore ayaa iga badan oo baahi ii haysaa ma jirto, ceerigaabo hal jago kamaan qaadan, Berbera kuwayagii baa iga badan. Aniga maalintii la igu wareejinayay xilka guddoomiyenimo ee Saaxil waxaan idhi xoolaha ay reer Cali hayste leeyihiin baan gelinayaa berbera illaahayna wuu ila qabtay. Waxaan leeyahay waqti xaasaasi ah baa lagu jiraa oo aynu galnay ee xumaan aanu qofku yeelaniqaban mayso,. Waxaan ugu dambaysiinayaa uma gabyaayo maanta ee haddii ay fal dambe soo celiyaan ayaan u sheegi doonaa oo aantaabsiin doonaa waxa ay yihiin ash-khaastan,hase yeeshee waxaan leeyahay Boorama anigu Fiise u soo qaadan maayo oo Adeer Wabarba oo gurigayga boqol jeer igu soo weeraray waan uga tagi waayay oo waan ka guulaystay, maantana waxaan Imanayaa Xafladda Suldaanka ee Boorama ninkii iidiidayoow Kaantaroolka ha innoo ahaato askarna ilama socotee”. Ayuuyidhi Ramaax
