– Dawladda Somaliland Oo Ka Jawaabtay Deel-qaaf Maamulka Garoowe Kasoo Yeedhay- “Rag Boosaaso Jooga Oo Gal-gala iyo Cal-madow ku Jira Ee Cid Kale Ku Raftaa Isaga Ayay Ceeb Ku Tahay”
Hargeysa (Hubaal)-Xukuumadda Somaliland, ayaa jawaab adag ka bixisay hadal ka soo yeedhay Maamul goboleedka Somalia ee Puntland, kaas oo Somaliland ku eedeeyey in Al-shabaab xaga Somaliland kaga timid.
Taliye Ku Xigeenka Ciidanka Booliska Somaliland Sareeye Guuto C/raxmaan Liibaan Fooxle, ayaa wax lala yaabo ku tilmaamay in ninka ay 7KM u jiraan Al-shaab uu dalalka deriska ah eedeeyo, waxaanuu sheegay inay Somaliland awood ay ku muquunisay Al-shabaan, balse ay iyaga la joogaan.
Sareeye Guuto C/raxmaan Liibaan Fooxle oo shalay warbaahinta la hadlay, ayaa waxa uu yidhi “Rag Boosaaso ku jira oo la wada ogyahay ee jooga Galgala iyo cal madaw hadana ninka ay todoba Kiiloo Mitir u jiraan inuu hadana dawladaha dariska ah iyo cid kale ku raftaa isaga ayeyba ceeb ku tahay, anagu waanu banaynay oo meelbaanu marinay oo dagaal ayaanu kula jirnaa Al-shabaab oo qaranka Somaliland kula jiraa”
C/raxmaan Liibaan Fooxle oo hadalkiisa sii wata waxa uu intaasi raaciyey“Waxaan leeyahay ninka hadalada caynkaas ah leh, adeer haddii ay kaa awood badeen Al-shabaab, anigu awood kuu noqon mayo, 7 KM ayey god kuugu jiraane isaga baabi’I oo iska celi waxba eed ha saarin Somaliland’e”
