Burco(Hubaal):- Eng. Bashiir Yuusuf Jaamac oo deggan magaalada Burco, ayaa toddobaadkii dhammaaday magaaladaas ku Aroosay Xaaskiisii afraad, kaas oo Baraha Bulshada sida Shabakadda Facebook Sawirrada isaga iyo Xaaskiisa cusub oo ay saddexdiisa Xaas ee horena dhinacyada ka taagan yihiin aad loogu baahinayey, ayaa markii ugu horreysay RTN TV uga warramay siday arrintaas hadal-haynta badan keentay ugu suuragashay.
Injineer Bashiir, waxa uu sheegay in Allaah amarkiisa la kulansiiyey Haween Raalliyooyin ah, isla markaana saddexdiisa Xaas ee hore ay saaxiib ahaayeen, isla markaana ay si fiican u soo dhaweeyeen Gabadhan afraad ee uu guursaday toddobaadkan tegay, kuwaasoo uu sheegay inay iyagu suurageliyeen inuu Guursado Haweenaydan afraad oo ay Guriga iyagu dhiseen, hawsha Xafladda Arooska, Soodhawaynta Dadka la casuumay iyo hirgelinta guud ahaan hawshaas ay saddexdiisa Xaas ee hore gacanta ku hayeen oo iyagu fuliyeen.
Haddaba, Waraysi xiiso badan oo uu Injineer Bashiir Yuusuf Jaamac kaga warramay arrimahaas iyo dhacdooyin kale oo iyaguna xiiso leh oo uu kala kulmi jiray bulshada qaarkeed oo uu sheegay inay Guryaha agtiisa ka guuri jireen Reero badani si aanu Dumarka Raggooda uga saamaynin iyo arrimo kale-ba, waxaannu idiinku soo gudbinaynaa Muuqaalkan Hoose ee Daawasho wacan oo wanaagsan:-
