Hargeysa(Hubaal) – Dawladda Jabuuti ayaa dhawaan safiir u soo Magacaabaysa Somaliland, sida uu sheegay Wasiirka warfaafinta Somaliland, Cabdillaahi Cukuse oo maanta isaga iyo wasiirro kale Madaarka Hargeysa ku soo dhaweeyeen wefti ka socda Jabuuti.
Wasiirka warfaafinta oo saxaafadda la hadlay ka dib markii la soo dhaweeyay weftiga Jabuuti ka socda oo uu hoggaaminayo Wasiirka Diinta iyo dhaqanka, isla-markaana uu ka mid yahay masuul uu wasiir Cukuse sheegay in Jabuuti dhawaan u soo Magacaabeyso wakiilkeeda Somaliland
Wasiir Cukuse oo arrintaasi ka hadlaya ayaa yidhi “Waxaanu soo dhaweynaynaa weftiga uu hoggaaminayo Wasiirka Diinta iyo dhaqanka Jabuuti, lana socdaan wakiilka dawladda Jabuuti mustaqbalka dhow u joogi doona Somaliland”
