Wasiirka Wasaaradda Ganacsiga, Warshadaha iyo Dalxiiska Somaliland Maxamed Xasan Sacad
Hrgeysa (Hubaal) – Wasiirka Wasaaradda Ganacsiga, Warshadaha iyo Dalxiiska Somaliland Maxamed Xasan Sacad ayaa sheegay in shiidaalkii Wasakhaysnaa ee hore dalka loo soo geliyay uu wali ku jiro haamihii lagu shubay, hasayeeshee shiidaalka cusub ee Dalka La Keenay isna lagu dhaamiyay haamo kale. Waxa uu faahfaahin ka bixiyay sababta Somaliland ay shiidaal uga baahatay wadanka Djabouti, waxaana uu xusay in markii dalka la Keenay shiidaal Wasakhaysan ay qasab noqotay in dalka Djabouti loo doono shiidaal, waxaanu sidaasi ku sheegay wasiirku mar uu warbixin siinayay Golaha Guurtida. “Shidaalkii Hore ee Wasakhaysnaa wuxuu ku jiraa Haamo gaar ah, kan cusub ee dalka yimidna waxa lagu shubay haamo kale, shiidaalkaas horena ilaa maalintii ayuu xaniban yahay oo lama isticmaali karo, waana taas sababta aynu intii oo dhan u isticmaalaynay shiidaalkii laga keenay Djabouti”