Wasiirka Warfaafinta Oo Xilka Ka Qaaday Agaasimihii Telefishanka Qaranka, Agaasime Cusbna Magacaabay
Hargeysa (Hubaal) Agaasimihii Telefishanka Dawladda Muuse Faarax Jaambiir ayaa xilkii laga qaaday, waxaana la magacaabay Agaasime cusub oo laga dhigay Maxamed Cali Waji oo ah Ruug-caddaa Warbaahinta dawladda wakhti dheer ka shaqaynayey.
Wareegto ka soo baxday Wasiirka Warfaafinta, Dhaqanka iyo Wacyi-gelinta Cabdiraxmaan Faarax Guribarwaaqo, ayaa lagu amray in agaasimihii hore si dhakhso ah xilka ugu wareejiyo masuulka cusub ee lagu bedelay.
Xil ka qaadista Agaasimaha Telefishanka Dawladda ayaa ku soo beegmaysa xilli maalmo koobani ka soo wareegeen markii qayb kamida xarunta Wasaarada oo aad loo qalabeeyey dab qabsaday goor habeenimo.
Wareegto ka soo baxday Xafiiska Wasiirka W.DH.W oo lagu magacaabay agaasime cusub
