Suld.  Maxamed Suld. C/Qaadir Suld. C/laahi Oo Hargeysa Lagu Soo Dhaweeyey Kadib Xaallad Caafimaad Oo Uu Thailand Ku Tegey+DAAWO SAWIRRADA Soo dhawayntiisii

Hargeysa:(Hubaal)-Suldaanka guud ee Somaliland Suldaan Maxamed Suldaan Cabdiqaadir, oo in muddo ah xaalad caafimaad ugu maqnaa dalka Thailand, ayaa maalintii shalay dalka dib ugu soo laabtay, waxana soo dhaweeyey siyaasiyiin, madax-dhaqameed iyo waxgarad tiro badan oo reer Somaliland ah.

Suldaanka, ayaa dalka kusoo laabtay isaga oo caafimaad qaba, waxana lagaga hor tagay magaalo-xududeedda Wajaale, iyada oo loosoo galbiyey dhinaca magaalada Hargeysa oo uu ku yaallo hoyga uu deggen yahay.

suldaanku markuu soo gaadhay xadka labada dal, waxa uu halkaas ka jeediyey hadallo kooban, waxana uu si mug leh ugu mahadnaqay madaxweynaha dawlad-deegaanka Soomaalida Ethiopia Md. Cabdi Maxamuud Cumar iyo weliba cid kasta oo xaaladiisa caafimaad kaalin ka geysatay, isaga oo shacaka reer Somaliland ee dufada la garab taagnaa hambalyo u diray. soo dhawaynta Suldaanka ee dhinaca Somaliland waxaa magaalo xuduudeedka wajaalle ee gobolka Gabiley kaga hor tegey masuuliyiin xukuumadda ka tirsan oo uu hoggaaminayo wasiirka xanaannada xoollaha Somaliland Cabdillaahi Maxamed Daahir (Cukuse), agaasimaha guud ee wasaaradda kalluumaysiga iyo kheyraadka badaha Somaliland Md. Fuaad Cabdisalaan Xasan, wasiir ku xigeenka wasaaradda qorsheynta qaranka Keysar Cabdillaahi Maxamed, Maayar ku xigeenka Caasimadda Hargeysa Cabdicasiis Maxamed Xaashi (Cagoweyne), Maamulaha Madaarka Hargeysa Maxamed Yuusuf Ismaaciil, Siyaasi Cabdillaahi Cismaan Geel jire, cuqaal, aqoonyahanno, qurbejoog, suxufiyiin iyo masuuliiyiin kale.