Hargeysa:(Hubaal)-Suldaan Saleebaan Boqor Cismaan oo katirsan salaadiinta waaweyn reer Somaliland, ayaa caddeeyey in cidda kaliya eek u faani karta guulaha ay gaadho xukuumadda talada haysaa tahay xisbiga KULMIYE, islamarkaana aanay jirin cid kale oo guushaas sheegan kartaa.
Suldaan Saleebaan oo ka hadlay madal uu xisbiga KULMIYE shalay kusoo dhaweynayey taageerayaal cusub oo xisbiga kusoo biiray, ayuu sidoo kale baaq ugu diray cid kasta oo saluugta waxqabadka xukuumadda, waxana uu kula taliyey inaanay eedda dhaliilahaas xisbiga kula degdegin, waxana isaga oo arrimahaas ka hadlaya uu yidhi, “Wixii wanaagsanaada ee xukuumaddu qabato faankeeda xisbigaa iska leh, wixii qaloocsamo ee taageerayaasha xisbiga qaarkii xukuumadd ka tawdaanna ilaa xisbiga ha isku qaadina’e kala reeba, Muuse Xukuumaddu way dhisaysaa, laakiin haddii ay qaarkood wax yara taataabtaan Aniga iyo Cabdikariin Xinif nagu soo hagaajiya cabashada xukuumadda.”
Suldaanku waxa uu ka diga in la kala qaado xukuumadda iyo xisbigeeda, waxana u tilmaamay in xukuumaddu wax badan qabatay, isla markaana ay kasbatay shacab badan, kuwaas oo la filayo inay codkooda la garab-geli doonaan marka doorashada la gaadho.
