Kaaliyeyaasha Gacanta Ku Haya Kiisaska Oo Iyagana La Kala Fogeeyey
Guddida Cadaaladda Oo Shaqada Ka Caydhiyey Guddoomiyeyaashii Heer Gobol Ee Maxakamadaha Hageysa, Togdheer Iyo Sanaag
Hargeysa (Hubaal):- Hay’adda Garsoorka Somaliland ayaa markii u horeysay Isku shaandhayn baaxad leh ku samaysay hawl-wadeennada Maxakamadaha kala duwan ee dalka sida garsoorayaasha, guddoomiyayaasha maxakamadaha heer gobol, degmo iyo racfaanba.
Guddida Cadaaladda Somaliland ayaa shalay soo saaray War Murtiyeed Lix Bog ka kooban oo isugu jira Magacaabis, Xilka qaadis & isku-beddel lagu sameeyey in ka baxadan boqol xubnood oo ka hawl gala maxakamadaha kala duwan ee shan ka mid ah lixda gobo lee dalka. Waxaana go’aankan oo shaxaysnaa lagu muujiyey isku beddel lagu sameeyey guddoomiyeyaasha maxakamadaha heer gobol, degmo iyo tan racfaanka ee gobollada Maroodi jeex, Saaxil, Togdheer, Sanaag iyo Sool. Sidoo kale 16 Xubnood oo isugu jira guddoomiyeyaal iyo garsoorayaal uu saameeyey go’aanka guddida cadaalladu ayaa shaqada laga caydhiyey kuwaas oo ay ka mid yihiin, guddoomiyihii Maxakamada gobolka Hargeysa, Guddoomiyihii Maxakamdada Gobolka Togdheer iyo guddoomiyaha maxakamadda gobolka Sanaag, halka saddexdaas gobol maxakamadahoodii racfaanka iyo kuwii degmadana la isku shaandheeyey. Sidoo kale qoddobka xusida mudan ee go’aanka guddida cadaalladu saameeyey waxaa kamid ah in kaaliyeyaashii Maxakamadaha ee gacanta ku haya kiisaska maxakamadda iyagana la kala fogeeyey oo meelo kala duwan look ala badalay, taas oo wararka uu Wargeyska HUBAAL helay lagu xidhiidhinayo in ay caqabadaha iyo cabashooyinka dadweynaha ay kiisasku kaga jiraan maxakamadaha loot ix geliyey
Haddaba Nuxurka go;aanka guddia Cadaallada ayaanu lifaaqiisa halkan idiinku soo gudbinaynaa waana kuwan ee akhris wacan:
