Brazil (Hubaal)- Wasiirkii hore ee Ganacsiga Dawladda Somaliland Dr Maxamed Cabdillaahi Cumar oo dhawaan Madaxweyne Siilaanyo Xilkii wasiirnimo ka qaaday ayaa kamid noqday Marti-sharafta ka qayb galaysa daawashada tartanka Ciyaaraha Adduunka ee sanadkan 2014ka ka dhacaya dalka Brazil.
Dr. Maxamed Cabdillaahi Cumar oo Toddobaadkii hore dalkan Somaliland ka ambobaxay isaga oo sheegay inuu ka soo laabanayo wadanka Ingiriiska ayaa laga war helay isaga oo kamid ah daawadayaasha garoonka ciyaaruhu ka dhacayaan.
Haddaba Laanta Afka Soomaaliga ee Idaacadda BBC-da oo waraysi khadka telefoonka kula yeelatay Dr. Maxamed Cabdillaahi Cumar waxa uu sheegay in uu halkaasi ku tegey casuumad ay u fidisay ururka FIFA, waxaanu intaa ku daray in isaga iyo xubno kale oo isaga la socdaa ay daawanayaan ciyaaraha, isaga oo socdaalkiisa Brazil ku tilmaamay inuu qayb ka yahay fasax afar toddobaad ah oo uu haysto inuu qayb ka mid ah uga faa’iidaysanayo.
Haddaba Halkan ka dhegeyso, waraysiga BBCdu la yeelatay oo uu kaga jawaabayo su’aalo kala duwan oo aad u xiiso badan.
GUJI HALKAN SI AAD U DHEGEYSATO
